Русский  >>  فارسی  >>  Якшанбе 4 декабр 2016, 00:44

Суғд: 117 ҳодисаи дур мондани наврасон аз таълим

12 май 2011, 10:41

Мақомоти додситонии шаҳри Истаравшан, нисбати Мӯъминҷон Муҳиддинов, сокини деҳаи Қалъачаи Баковули ҷамоати Ҷавкандак дар ин ноҳия, барои монеъ шудан дар роҳи  гирифтани таълими ҳатмии фарзандаш  парвандаи ҷиноӣ боз кардааст.

Фирӯз Боқӣ, сухангӯи идораи умури дохилии Суғд ба хабарнигори минтақавии "Озодагон" иттилоъ дод, ки Мӯъминҷон Муҳиддинов аз моҳи сентябри соли 2010 ба ин ҷониб, барои нарафтани фарзанди  ноболиғаш  Ризқаойи Мӯъминҷон, ки соли таваллудаш 1995 аст, барои рафтан ба мактаб иҷоза надодааст.

Зимнан, тафтиши чунин қазия дар додситонии шаҳри  Истаравшан идома дорад- афзуд, ин манбаъ.

Ин ҳам дар ҳолест, ки бар пояи иттилоъи комиссияи ҳифзи ҳуқуқи кӯдак дар ҳукумати Суғд, сар аз оғози соли хониши 2010-2011 ҳудуди  117 –ҳодисаи дур мондани ноболиғон аз гирифтани таълими ҳатмӣ дар мактабҳои Суғд ба қайд гирифта шудааст.

Аъзам Холмирзоев, котиби комисияи  ҳифзи ҳуқуқи кӯдак дар ҳукумати Суғд мегӯяд, сабаби аслии дур мондани ноболиғон аз гирифтани таълими ҳатмӣ дар мактабҳо, ба далели ноустувории хонаводаҳо ва муҳоҷирати пайвастаи волидон сурат мегирад, ки дар чунин шароит кору бори хонавода умдатан бар дӯши кӯдакон вогузор шуда ва аслан онҳо имкони ба мактаб рафтанро надоранд.

Гуфтанист, дар соли гузаштаи 2010 нисбати 60 нафар падару модар, барои монеъ шудан ба гирифтани таълими ҳатмии фарзандонашон парвандаи ҷиноӣ оғоз шуда буд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!