16 апр 2014 14:26Тоҷикистон / Рӯ ба рӯ / Видео

Ранҷи Амонулло аз дарди дил ва кумакхоҳии волидонаш (ВИДЕО)

Амонулло Абдураҳмонов, сокини ҷавони ноҳияи Ҷомии вилояти Хатлон, солҳост, аз дарди қалб, ки дар тарафи рости ӯ ҷойгир будааст, азият мекашад ва ҳоло волидонаш ният доранд, ӯро ҷарроҳӣ намоянд. То ҳол дақиқ накардаанд, ки ин ҷарроҳӣ дар куҷо хоҳад гузашт, аммо табибони Ҳиндустон баъд аз дидани ташхиси Амонулло Олмонро маслиҳат додаанд.

Падару модари Амонулло ба дафтари “Озодагон” омада, дар сӯҳбат бо мо гуфтанд, писарашон ҳангоми тифлӣ бо мушкили нафаскашӣ, кабудии лабу даҳон ва таппиши ғайриодии дил рӯбарӯ шудааст. “Вақте ба табибон муроҷиат кардем, гуфтанд, дилаш бемор аст”,-нақл мекунад Давлатбӣ Тағоева -- модари Амонулло. Ӯ афзуд, “дили бачаи мо аз тарафи рост буда, се “ҳуҷра” (камера) доштааст. Роҳи ягонаи наҷоти Амонулло ҷарроҳӣ буд, аммо он вақт табибон гуфтанд, чунин ҷарроҳӣ имкон надорад.”

Ба қавли волидони Амонулло, ӯ тақрибан 18 сол аст, ки аз нуқси модарзодии дил (декстракардия, меъдачаи ягона бо ҷойгиршавии транспозитсионии рагҳои магистралӣ ва перикардити музмини экссудатимӣ) азият мекашад. Ба таври одӣ гӯем, дили Амонулло се “ҳуҷра” дошта, девораи миёни ду меъдача хуб ташаккул наёфтааст ва дил гӯиё як меъдача дорад. Дар натиҷа, стеноз, ҷойивазкунии шоҳраг (аорта) ва гипертрофияи меъдачаи рост рух медиҳанд. “Амонулло аз овони кӯдакӣ таҳти назорати табибон қарор дошта, доруҳои мухталифро қабул намуд. Аммо ҳамаи он фоида накард ва аҳволи ӯ бадтар мешаваду беҳтар не”,-мегӯяд падари Амонулло, Раҳматулло Абдураҳмонов.

Волидони Амонулло то кунун барои табобати фарзанди худ, ба ҷуз манзилашон, тамоми дороии худро харҷ карда, рӯзҳои зиёди зиндагиашонро паси дари беморхонаҳо гузарондаанд. Раҳматулло Абдураҳмонов мегӯяд, ҳоло барои кумаки афроди хайрхоҳ ва он ҳам барои аз чангӣ беморӣ раҳо кардани писараш эҳтиёҷ дорад.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Sino

Худованд шифои комил дихан бародари азиз!!!

Ҷавоб диҳед Иқтибос Шикоят

Фаррух

Дар бонк Суратхисоб кушодагиян? ракамаи суратхисобро хам нависен

Ҷавоб диҳед Иқтибос Шикоят

Амир

Худо додарака шифои комил бта! Аз дастамон меомадигира мекнем, неким хами пулдоро худшона дур нагиран. Кумак кардан даркор мардони баномуси ТОЧИК!!!!!

Ҷавоб диҳед Иқтибос Шикоят

Tojik

Yagon roh boshad az Chin yordami hudro rasonem ? yafon mablak ravon kunem ?

Ҷавоб диҳед Иқтибос Шикоят

беном

хатман дар бонк суратхисоб боз кунед. ншоаллох кумак мешавад

Ҷавоб диҳед Иқтибос Шикоят

ноза

Салом! Намешавад ки мо бо тарики телефонхои мобили смс фиристонем...ин тарик нагзтар ва тезтар маблаг чамъ мешавад...

Ҷавоб диҳед Иқтибос Шикоят

Эзоҳ илова кунед