Супориши ғайриодии Қодирӣ дар бораи танӯру нон ва “ошпазӣ”
Бо дастури Абдураҳмон Қодирӣ, раиси вилояти Суғд, дар аксар макотиби миёнаи шаҳру навоҳии минтақа танӯру “дегдон” (оташдон) шинондаанд. Аз Раёсати маорифи вилояти Суғд бо тасдиқи ин хабар ба “Озодагон” гуфтанд, маъракаи танӯршинонию “дегдон”-монӣ аз моҳи феврали соли ҷорӣ ба ин сӯ идома дорад ва ҳадаф омода кардани духтарон ба рӯзгордорист.
Ба иттилои манбаи мо аз Раёсати маорифи вилояти Суғд, феълан дар макотиби миқёси вилоят 278 танӯр, 509 дегдон шинонда шуда, 109 маҳфили қолибофию кашидадӯзӣ ва рӯзгордорӣ ба роҳ монда шудааст. “Вобаста ба мавзӯи дарси таълими меҳнат ва ё дар маҳфилҳои иловагӣ хонандагон метавонанд, боз аз наздик бо танӯру ошдон шинос гарданд”,-афзуд манбаъ.
Дар мавриди харидорӣ ва шинондани танӯру дегдон манбаъ гуфт, он бо ташаббуси бархе аз падару модарон, маъмурияти мактаб сурат гирифтааст. Ин дар ҳолест, ки як сокини 45-солаи шаҳри Хуҷанд бидуни бурдани номаш гуфт, “танӯрро монданду вале доир ба маҳсулоти он фикр накарданд. Чун духтари ман гӯиё навбаташ расидааст, аз хона барои дарси таълими меҳнат орд мебарад. Худатон медонед, имрӯз нархи орд ва дигар маҳсулоти ғизоӣ чӣ қадар аст ва дар баробари ин, шахсан ман барои духтарам чӣ тавр дар танӯр нонро часпонидану дар ошдон ғизо пӯхтанро омӯзонидаам ва меомӯзонам.”
Мақомот харидории маҳсулот барои хӯрокпазиву нонпазиро ба хоҳиши падару модарон вогузор карда, мегӯянд, «он маҷбурӣ набояд бошад» ва дар ҳолате, нонро пухтанд, метавонад, онро ба хонаашон бубаранд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |