Файзулло Бобохонов, собиқ додситони ноҳияи Ҳисор ва фарзанди додситони кулли Тоҷикистон Бобоҷон Бобохонов бо ҳукми Додгоҳи Олии кишвар ҳафт соли ояндаи ҳаёташро пушти панҷараи маҳбас сипарӣ хоҳад кард.
Тавре ба «Озодагон» аз Суди Олӣ иттилоъ доданд, баррасӣ ва мурофиаи додгоҳии ин парванда ҳанӯз рӯзи ҷумъаи гузашта, 19-уми август ба поён расида ва ҳукми додгоҳ эълон шуда буд. Маврид ба тазаккур аст, ки дар моҳи апрели соли равон қазияи Файзулло Бобохонов аз сар гирифта шуда, то ин муддат идома дошт.Гуфта мешавад, додситони собиқи ноҳияи Ҳисор тибқи шаш моддаи Кодекси ҷиноии Тоҷикистон аз ҷумла сӯиистифода аз мақоми хидматӣ, ришваситонӣ, тамаъҷӯӣ ва тақаллуб муҷрим шинохта шудааст.
Ёдрас менамоем, Файзулло Бобохонов соли 2005 бо фармони падараш, ки он замон ба симмати Додситони кулли ҷумҳурӣ ифои вазифа мекард, ба мансаби додситонии ноҳияи Ҳисор таъин гардида буд ва дар ин вазифа то баҳори соли 2010 кор кард, яъне то барканории падараш аз курсии прокурори генералӣ.
Мӯҳр