Русский  >>  فارسی  >>  Панҷшанбе 8 декабр 2016, 19:08

Уго Чавес: «Фоҷеаи Либия акнун шурӯъ мегардад»

25 август 2011, 04:00

Мухолифини ҳукумати Либия, ки алъон пойтахти кишвар, шаҳри Троблусро ишғол кардаанд, эълом доштанд, ки амалиёти ҷустуҷӯ ва боздошти сарвари Либия Муаммар Қаззофӣ ва фарзандони ӯ идома дорад.


Чирикиҳо дар баҳои қатл ё супурдани Қаззофӣ ба атрофиёни ӯ беш аз 1 миллион доллар ҷоиза ва ҳам афв ваъда кардаанд. Мустафо Абдулҷалил, раҳбари чирикиҳо гуфтааст: «Як тоҷир дар Бенғозӣ барои ҳар нафаре, ки Қаззофиро таслим кунад, 2 миллион динор ҷоиза таъйин кардааст ва Шӯрои миллии гузор ба навбаи худ, эълон кард, ҳар нафаре  аз атрофиёнаш агар Қаззофиро кушад ваё таслим кунад, афв хоҳад шуд».

Расонаҳои хориҷӣ менависанд, Қаззофӣ, ки 42 сол боз дар Либия зимоми ҳукуматро дар даст дошт, баъди ба дасти чирикиҳо гузаштани қароргоҳаш дар Бобулазизияи Троблус нопадид шудааст.  Аммо сарҳанги фирорӣ  қасам хӯрдааст, ки то пирӯзӣ ё марг хоҳад ҷангид. Раисиҷумҳури Фаронса Никола Саркозӣ, ки аз нахустин ҳомиёни чирикиҳои  Либия маҳсуб мешавад, дирӯз дар Порис дар пайи мулоқот бо Маҳмуд Ҷибрил, аз сарони Шӯрои миллии гузор, гуфт, амалиёти НАТО дар Либия то замони шикасти комили режими Қаззофӣ идома хоҳад ёфт.

Дар ҳамин ҳол, Уго Чавес, президенти Венесуэла, ки аз дӯстони наздики сарҳанг Муаммар Қаззофист гуфт, фоҷеаи Либия акнун шурӯъ мешавад. Аммо ин изҳороти худро райисҷумҳур барои расонаҳо шарҳ надодааст ва манзур аз «фоҷиа» чӣ аст?



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!