Русский  >>  فارسی  >>  Якшанбе 11 декабр 2016, 14:57

«Лаҳзаҳои гуворо» мардумро алайҳи нашъамандӣ даъват намуд

25 август 2011, 10:54

Агентии назорати маводи нашъаовар муштаракан бо мақомоти марбутаву  ҳокимияти маҳаллӣ ва дастгирии дафтари САҲА дар шимоли кишвар ҳамойиши вижа доир кард.


Тавре ба «Озодагон» аз ниҳоди мазкур иттилоъ доданд, дар шаҳри Қайроқум ва ноҳияи Мастчоҳ чорабинии оммавӣ–фарҳангӣ ва варзишии  зиддинашъамандӣ баргузор шуд. Татбиқи “Барномаи ягонаи максадноки давлатӣ оид ба пешгирии нашъамандӣ ва муқобилият бо муомилоти ғайриконунии маводи нашъаовар дар Тоҷикистон барои солҳои 2008–2012” аз аҳдофи аслии баргузории ҳамоиши мазкур унвон мешавад.

Ба гуфтаи манбаъ, дар чорабиниҳои мазкур зиёда аз 1000 нафар аҳолии шаҳри Қайроқум ва ноҳияи Мастчоҳ иштирок карданд. Кормандони агентӣ, намояндагони мақомоти иҷроияи маҳаллии ҳокимияти давлатӣ, мутахассисони соҳаҳои тандурустӣ, фарҳанг ва маориф аз зарари маводи нашъадор ба ҳолати тиббӣ, иқтисодӣ ва иҷтимоии мардум ва оқибатҳои фоҷеъабори он сухан карданд. Ҳамзамон таъкид гардид, ки ҳар як шаҳрванд вазифадор аст дар самти пешгирии нашъамандӣ ва тарғиби тарзи ҳаёти солим саҳмгузор бошад. Иштирокчиёни чорабиниҳо изҳор намуданд, ки мунтаззам гузаронидани чунин ҷамъомадҳо ба баланд бардоштани маълумотнокии аҳолӣ оварда мерасонад.

Зимнан, ба хотири ҷалб намудани диққати мардум ба мушкилиҳои вобаста ба маводи нашъаовар дар ин чорабиниҳо ҳунармандони театрҳои халқии шаҳри Қайроқум, ноҳияи Мастчоҳ ва театр-студияи «Лаҳзаҳои гуворо»-и шаҳри Душанбе бо суруд ва саҳначаҳои зиддинашъмандӣ баромад карданд. Ҳамчунин дар байни наврасон озмуни расми беҳтарин дар мавзӯъи «Нашъмандӣ ва оқибатҳои он» гузаронида шуд. Ғолибон ва иштирокчиёни фаъоли озмун бо тӯҳфаҳои хотиравии агентӣ сарфароз карда шуданд. Ҳамзамон мусобиқаҳои варзишии дастхобонӣ ва вазнбардорӣ дар байни хонандагони мактабҳои таҳсилоти ҳамагонӣ гузаронида шуд,-афзуд манбаъ.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!