Русский  >>  فارسی  >>  Якшанбе 4 декабр 2016, 21:19

Радиои «Маяк»-и Русия аз гурӯҳи «Парем» узр пурсид

26 август 2011, 04:15

Вазорати корҳои хориҷаи Тоҷикистон унвонии сафорати Русия дар Душанбе нома ирсол карда, аз ҳазлу мутойибаҳои ноҷои барандагони барномаи тафреҳии радиои «Маяк» изҳори норозигӣ карда буд.


Тавре Олим Ширинов, роҳбари гурӯҳи созию овозии «Парем» ба хабаргузории «Озодагон» гуфт, иллати аслии ирсоли ин нома баромади гурӯҳи онҳо дар толори гаронарзиши Маскав «BI-2», ки 24-уми июл иттифоқ афтод, арзёбӣ мегардад. Ӯ афзуд, муҷриҳои шабакаи мазкури радиои русӣ, зимни ташреҳи ин хабар шӯхиомез гуфтаанд, ки “чун тоҷикон пул надоранд, ночор шудаанд консерти худро дар рӯзи якшанбе баргузор кунанд, на панҷшанбеву ҷумъа ё шанбе.” Ба замми ин яке аз барандагон аз ҳадду эътидоли журналистӣ гузашта ба «Парем» хитобан гӯё гуфтааст: «Ҳамаи тамошочиён шумо дар ин ҷоянд, дар Тоҷикистон касе намондааст». Ҳамчунин, ин муҷриён бо ҳарфҳои носазо аз қабили: «дар Осиёи Миёна фарҳанг дигар вуҷуд надорад», «наход консерти гурӯҳи тоҷикон 1000 рубл арзиш дошта бошад» арзишҳои миллӣ ва фарҳангии моро таҳвин кардаанд.  
Дар ҳамин ҳол ба қавли ҷаноби Ширинов, масъулини радиои «Маяк» рӯзи 24-уми август матни номаро қироат карда, аз онҳо узрхоҳӣ кардаанд, аммо боз ҳам зимни пӯзишашон аз ҳазлҳои бемавқеъ истифода кардаанд, ки ин амал нороҳаткунанда буд.  


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!