Русский  >>  فارسی  >>  Сешанбе 6 декабр 2016, 23:02

Прокуратураи генералӣ: Мӯҳлати боздошти Низомхон Ҷӯраев тамдид гардид

2 сентябр 2011, 03:44

Тайи 10 рӯзи ахир, ки Қонуни авф дар ҷумҳурӣ татбиқ шуда истодааст, ин санад дар нисбати 2.654 нафар маҳкумшудагон, судшавандаҳо, айбдоршавандаҳо ва гумонбаршавандаҳо татбиқ гардидааст.


Шерхон Салимзода, прокурори генералии ҷумҳурӣ дар ин бора дирӯз, 1-уми сентябр зимни як нишасти матбуотӣ дар ҳузури хабарнигорон иттилоъ дод. Бино ба қавли ӯ, бар тибқи моддаҳои 1,2,3,4,5,6,9 ва 10-и  қонун «Дар бораи авф» 2 ҳазору 317 нафар аз муассисаҳои ислоҳӣ ва муассисаҳои сукунатии сарраёсати иҷрои ҷазои ҷиноятии вазорати адлия аз адои ҷазои ҷиноятӣ озод гардиданд. Аз ин шумора 1 ҳазору 76 нафар аз муассисаҳои ислоҳӣ, 305 нафар аз муассисаҳои тафтишотӣ ва 936 нафар аз муассисаҳои сукунатӣ озод шуданд. Аз ҷумлаи озодшудагон 146 нафарро занон, 108 нафарро ноболиғон, 56 нафарро мардони аз сини 55-сола боло, 24 нафарро маъюбону шахсони гирифтори бемориҳо ва 27 нафарро шаҳрвандони хориҷӣ ташкил медиҳанд.

 

Шерхон Салимзода дар посух ба пурсиши журналистон оид ба татбиқи ин қонун дар қиболи бархе аз ашхоси мӯҳлати адонагардидаи ҷазояшон гуфт, мутобиқи моддаҳои 8,9 ва 13-и қонун «Дар бораи авф» мӯҳлати адонагардидаи ҷазои маҳрум сохтан аз озодӣ нисбати маҳкумшудагон кам карда мешавад. Прокурори генералӣ афзуд, бо пешниҳоди муассисаҳои ислоҳӣ мӯҳлати адонагардидаи ҷазои маҳкумшудагон Ёрибек Иброҳимов, маъруф ба тахаллуси     «Шайх Ёрибек», Исматулло Ҳабибуллоев бо лақаби «Исмати Аулӣ», Ёқуб Салимов, Садриддин Тошев, Маҳмадрӯзӣ Искандаров, Ҷамшед Сияев ва чандеи дигар мутобиқи моддаи 13 ба мӯҳлати дусолӣ ва нисбат ба баъзеашон мутобиқи моддаи 8 аз ин зиёдтар кам карда шуд. Дар мавриди қазияи Низомхон Ҷӯраев, ки ҳудуди беш аз як сол боз дар яке аз боздоштгоҳҳои Маскав ба сар мебарад, додситони кулл гуфт, 27 август аз боздошти номбурда як сол пур шуд ва бо дархости прокуратураи генералии ҷумҳурии Тоҷикистон аз ҷониби додситонии шаҳри Москва мӯҳлати боздошти ӯ 18 моҳ, яъне то 27 феврали соли 2013 дароз карда шуд. Аз ин рӯ татбиқи қонуни авф дар нисбати Низомхон Ҷӯраев дар ҷараёни баррасии парвандаи ӯ муайян мешавад,- афзуд Шерхон Салимзодаи Одина.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!