Русский  >>  فارسی  >>  Ҷумъа 9 декабр 2016, 08:50

Квотаҳо барои донишҷӯёни тоҷик ҷиҳати таҳсил дар Русия зиёд мешаванд

2 сентябр 2011, 04:50

Маҳмадсаид Убайдуллоев, раиси ММ МО дар Душанбе роҳбари Агентии Федералӣ оид ба корҳои ИДМ, ҳамватанони бурунмарзӣ ва ҳамкориҳои байналхалқии гуманитарии Русия Фарит Мухамедшинро ба ҳузур пазируфт.


Дар ин бора Шафқат Саидов, ёвари раиси палатаи болоии парлумони мамлакат оид ба равобит ба ҷомеъа ва ВАО ба хабаргузории «Озодагон» иттилоъ дод. Номбурда гуфт, ҷаноби Мухамедшин дар чаҳорчӯби баргузории мулоқоти сарони кишварҳои ИДМ ба Тоҷикистон ташриф овардааст ва алъон дар пойтахти кишвар қарор дорад.

 

Зимни мулоқот ҷонибҳо тавсеаи заминаҳои ҳуқуқии ҳамкориҳои гуманитарӣ оид ба рушди муносибатҳо дар соҳаи фарҳангу маориф, таҳсилу зиёд намудани квотаҳо барои  донишҷўёни тоҷик дар мактабҳои олии Федратсияи Русия, бозомўзии кадрҳо, таъсиси мактабҳо бо таълими забони русӣ, курсҳои омўзишӣ барои тайёр намудани мутахассисон мувофиқ ба талаботи ҷавобгўи бозори меҳнат дар Русия ва таъминоти мактабҳои таҳсилоти ҳамагонии кишвар бо китобҳову дигар ашёҳои таълимӣ ва омўзгорони фанни забони русиро мавриди баррасӣ қарор дода, баҳри расидан ба ин ҳадафҳои созанда саҳми марказҳои русии дар мамлакат таъсисёфтаро нек арзёбӣ намуданд.

Қайд гардид, ки зарфияти ҷонибҳо оид ба густариши ҳамкориҳо дар ин самт минбаъд низ  дар доираи созишномаи мавҷудаи байниҳукуматӣ роҳандозӣ хоҳад шуд.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!