Аҳмадинажод: Эрон омодааст дар Тоҷикистон нерӯгоҳҳои нав созад

Шоми дирӯз райисҷумҳури исломии Эрон  Маҳмуди Аҳмадинажод бо сафари расмӣ ба Тоҷикистон ташриф овард.

---

Барномаи боздиди расмии меҳмони олимақом дар Қасри Миллат оғоз ёфт.Тибқи иттилои дафтари матбуотии президент, Маҳмуди Аҳмадинажодро дар саҳни ҳавлии ин Кох  Эмомалӣ Раҳмон истиқбол гирифта, ба болои минбари ифтихорӣ даъват намуд.Маросими истиқболи расмии меҳмони олимақом, тибқи талаботи протоколи давлоатӣ, бо саф кашидани ҷузъу томҳои Горди фахрии Тоҷикистон ва оркестри асбобҳои нафасии мусиқӣ, гузориши фармондеҳи горди фахрӣ, садо додани сурудҳои миллии ду давлат, гузашти сарони давлатҳо аз назди қатори низомиён, бо нимтаъзим арзи эҳтиром овардан ба парчами давлатии Тоҷикистон, шиносоӣ бо ҳайатҳои расмии ду ҷониб ва гузашти низомии ҷузъу томҳои Горди фахрии Тоҷикистон аз назди сарони давлатҳо ҷараён гирифт.

Зимни дидор таваҷҷӯҳи асосӣ ба роҳҳои густариши ҳамкории иқтисодию тиҷоратӣ, сармоягузорӣ, татбиқи лоиҳаҳои муштарак дар соҳаҳои энергетика, қабл аз ҳама гидроэнергетика, саноат, роҳсозӣ, кишоварзӣ ва дигар бахшҳо сурат гирифт. Аз омода гаштани навбати аввали нерўгоҳи обии Сангтўда -2 ва омодагии ҷониби Эрон ба иштирок дар бунёди дигар нерўгоҳҳои Тоҷикистон, хатти интиқоли нерўи барқ ва хатти об аз Тоҷиқистон ба Эрон ва пайвасти роҳҳои оҳани ду кишвар изҳори қаноатмандӣ карда шуд.Баъди анҷоми мулоқоту музокироти расмӣ миёни Тоҷикистону Эрон се санади нави ҳамкорӣ ба имзо расид: Ёддошти тафоҳуми хамкорӣ миёни Вазорати энергетика ва саноати ҷумхурии Тоҷикистон ва Вазорати нерўи ҷумҳурии Исломии Эрон; Ёддошти тафоҳуми иловагии ҳамкорӣ миёни ҳукумати  ҷумҳурии Тоҷикистон ва ҳукумати ҷумҳурии Исломии Эрон оид ба иҷрои бозсозии нақби «Истиқлол» дар ҷумҳурии Тоҷикистон;

Ҳамчунин, баёнияи муштараки президенти Тоҷикистон ва президенти ҷумҳурии Исломии Эрон аз ҷониби сарони ду давлат – Эмомалӣ Раҳмон ва Маҳмуди Аҳмадинажод ба имзо расид.Зимни нишасти матбуотӣ сарони ду давлат аз натиҷаҳои гуфтушуниди дуҷониба изҳори қаноатмандӣ карда, ба дурнамои муносиботи дўстӣ ва ҳамкории судбахши бисёрпаҳлўи Тоҷикистону Эрон баҳои баланд доданд,-афзуд манбаъ.{jathumbnail off}

Мӯҳр