Русский  >>  فارسی  >>  Шанбе 10 декабр 2016, 15:43

Душанбе плаза- баландатарин бинои серошёна дар Душанбе

6 сентябр 2011, 12:30

Дар маркази пойтахт бинои хуштарҳи замонавӣ, ки аз 20 ошёна   иборат аст, сохта ба истифода дода шуд.


Ин иншоот дар кӯчаи Бухоро - буриши хиёбони Рӯдакӣ эъмор гардидааст.Тибқи иттилои Шафқат Саидов, котиби матбуотии раиси шаҳри Душанбе, сохтмони  «Душанбе плаза» ду сол муқаддам -12 октябри соли 2009 оғоз гардида, фармоишгари он раёсати сохтмони асосии шаҳри Душанбе буда, ҷамъияти дорои масъулияти маҳдуди «Тоҷ –Сохтмон- Байналмилал» пудратчиаш мебошад. Лоиҳаи «Душанбе-плаза» аз ҷониби ҷамъияти саҳҳомии «Шаҳрофар» тарҳрезӣ гардида, арзиши умумии иншоот беш аз 160 миллион сомонӣ мебошад.

Масоҳати умумии «Душанбе-плаза» наздик ба 40 ҳазор метри мураббаъ ва баландиаш 92 метр буда, ба ҷуз ин ду ошёнаи техникӣ низ дорад. Гуфта мешавад, ки ошёнаҳои 1, 2 , 3, 4 ва 5 барои марказҳои иттилоотӣ, намоишгоҳҳои сайёр, мӯд, толорҳо бо утоқҳо барои машваратҳои расмӣ дар сатҳи олӣ, утоқҳо барои намояндагони ширкатҳои байналмилалӣ махсус гардонида шудаанд. Дар айвонҳои ошёнаҳои 6 ва 19 тарабхонаҳо барои 200 ва 60 ҷой вуҷуд дошта, ошёнаҳои 7-15-утоқҳои маъмурӣ, идора (офис), ошёнаҳои 17, 18 ва 20 меҳмонхона барои 40 ҷой (аппартаментҳо) аст. Дар ошёнаҳои 21-22 -утоқҳои техникӣ ҷойгиранд. Ҳамчунин, «Душанбе плаза»- дорои таваққуфгоҳ буда, он аз ду ошёнаи баландии ҳар кадомаш 3 метрӣ иборат аст. Масоҳати таваққуфгоҳ 5000 метри мураббаъ аст, ки он барои 100 автомашина пешбинӣ шудааст.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!