Русский  >>  فارسی  >>  Душанбе 5 декабр 2016, 23:36

Акбари Саттор: Анҷуман фақат ба хотири интихоби раиси нав даъват намешавад

7 сентябр 2011, 10:22

Анҷумани навбатӣ ё худ съезди 11-уми ИЖТ 15-уми октябри соли равон баргузор мегардад.


Дар ин бора Акбаралӣ Сатторов, раиси ниҳоди мазкур ба хабаргузории «Озодагон» иттилоъ дод. Ӯ гуфт, тибқи нақшаи пешакӣ анҷуман бояд дар моҳи июли сипаришуда сурат мепазируфт, аммо бо далели баргузории ҷашну маросимҳои мухталиф вобаста ба таҷлили 20-солагии истиқлолият, раёсати иттифоқи журналистон ба хулосае омад, ки анҷуманро дар моҳи октябр доир намояд.

Гуфта мешавад, мувофиқи оинномаи ИЖТ бо гузашти 5 сол як маротиба анҷумани иттиҳод доир мегардад. Вакилони анҷуман аз саросари кишвар ҷамъ омада, масоили марбути рӯзноманигорӣ, бурду бохти соҳа ва дурнамои рушди онро баррасӣ мекунанд.

Акбаралӣ Сатторов мегӯяд, дар анҷумани қарибулвуқуъ масъалаи интихоби раиси нав ва раёсати нав низ ба нақша гирифта шудааст, вале асосан дар бораи ояндаи иттифоқ ва умуман соҳаи журналистика, ки яке аз соҳаҳои  асосии ҷомеаи кунунӣ ба ҳисоб меравад, андешаронӣ карда мешавад. «Ба ҳамин хотир барои таҷлили анҷуман мо тайёрии ҷиддӣ дида истодаем, ки ин ҳамойиш фақат ба  интихоби раиси нав ё раёсати нав табдил наёбаду дар баробари он муҳокимаи масъалаҳои мубрами соҳа мавриди баррасӣ қарор бигирад»,-афзуд манбаъ.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!