Русский  >>  فارسی  >>  Ҷумъа 9 декабр 2016, 14:38

Дидбонгоҳи гумрукии Ҷиргатол бо «Рапискан» таъмин гардид

7 сентябр 2011, 11:48

Бахшида ба ҷашни 20-солагии истиқлолият, роҳу пулҳои аҳамияти байналмилалӣ дошта ва дар ин замина бунёди шабакаи мукаммали нақлиётиву транзитӣ, густариши тиҷорати наздисарҳадӣ, таъсиси минтақаҳои озоди иқтисодӣ  мавриди баҳрабардорӣ қарор дода шуд.


Тавре ба «Озодагон» сарнозири шӯъбаи иттилооти Хадамоти гумрук  Нурулло Шарипов иттилоъ дод, дар баробари ин  ҳукумати кишвар ба рушди инфрасохтори гумрукию сарҳадӣ, аз ҷумла ба ободонии гузаргоҳҳои сарҳадӣ аҳамияти муҳим медиҳад. Чунончӣ, тай солҳои 2006-2010 аз ҳисоби маблағҳои махсуси Хадамот ва бо ҷалби кӯмакҳои хориҷӣ сохтмони дидбонгоҳҳои гумрукии «Айвоҷ», «Патар», «Куштегирмон», «Маданият», «Гулистон», «Панҷи Поён», «Терминал»-и шаҳри  Қурғонтеппа, «Терминал»-и ноҳияи Мурғоб ва таъмири 8 гумруку дидбонгоҳҳои дигар: гумрукҳои «Исфара», «Мурғоб», «Хӯҷанд», «Зафаробод», дидбонгоҳҳои гумрукии «Душанбе-1», «Ишкошим», «Кокул», инчунин бинои Донишкадаи такмили ихтисоси кормандони мақомоти гумрук ба анҷом расонида шуда, иншооти мазкур мавриди истифода қарор гирифтанд.

Гуфта мешавад, чанде пеш сохтмони дидбонгоҳи гумрукии Ҷиргатол, ки дар доираи лоиҳаи модернизатсияи гумрук ва рушди инфрасохтор, ки тибқи созишномаи қарзии миёни ҳукумати ҷумҳурии Тоҷикистон ва Бонки Осиёии Рущд амалӣ шуда истодааст ба анҷом расонида шуда, дар арафаи ҷашни 20-солагии истиқлолияти мавриди баҳрабардорӣ қарор дода шуд. Дидбонгоҳи гумрукии «Ҷиргатол» дар давоми солҳои 2010-2011 сохта шуда, он аз бинои маъмурӣ, гузаргоҳи махсус  барои  мошинҳои боркашу сабукрав иборат буда, дорои системаи таъмини гармӣ ва барқӣ, утоқҳои корӣ барои гузаронидани назорат ва барасмиятдарории гумрукии молу воситахои нақлиёт мебошад ва ба меъёрҳои умумиэътирофшудаи соҳаи фаъолияти гумрукӣ пурра ҷавобгӯ мебошад. Инчунин дидбонгоҳи мазкур пурра бо воситаҳои техникии муосир аз ҷумла таҷҳизоти махсуси назорати гумрукии «Рапискан» таъмин гардида, ба системаи иттилоотии автоматонидашудаи ягона пайваст карда шудааст. «Мавриди истифода қарор додани иншооти мазкур ба соддагардонии расмиёти гумрукӣ густариши тиҷорати минтақавӣ, вусъатёбии иқтидори транзити кишварамон мусоидат менамояд»,-афзуд манбаъ.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!