Бо баҳонаи мавлуди Барзу: Ёде аз "Девонагӣ-93", зимомдорони вақт ва дили Данко
Сайф САФАР
Гоҳо шоҳиди чизҳои аҷибу ғарибе мешавӣ, ки вуҷудаш ҳеч гоҳ дар андешаат хутур намекард. Аммо баъди бо чашми сар дидани он, муддате ҳисси шодӣ бо андаке шигифтзадагӣ аз доманат мегираду водор ба андешиданат мекунад.
Дар ғайби касе чоқӯ задан бар ҷигари кулчақанд бо баҳонаи солрӯзаш аз ин даста ғароибот аст, ки дирӯз таҷриба кардам. Аммо, чун огоҳ шудам, ин тасмим ба хотири милоди Барзу Абдураззоқов аст бар шигифтзадагиам каме чира шудам, чун мардест, ки ба хотираш метавон ҳатто азхудгазаштагӣ кард.
Аз қазо, милоди ин тавоно бо рӯзе баробар шуд, ки ду рӯз қабл аз он атрофи номи Барзу шуру валвала бархест ва ин бор ҳам мунҷар ба рушан шудани ниҳодаш шуд, ки моломоли покизагист. Чун хабар бар ғалат бар мардум расид, эҳсос мешуд муште аз нотавонбинон омодаи чеғ задан шуданд, ки Барзуи шумо бо чизе намесозад. Бар рағми гумонзании ин қавм хабар расид, он марди Худо барои иҷрои қарзи худ дар назди волидонаш омодаи гузаштан аз баҳри ҳама чиз будааст ва ба азми омадан ба Ватан рахти сафар бастааст.
Солрузатро шодбош мегӯям, Барзуи гиромӣ!
Шод бошу дер зӣ, бо он ки медонам кайҳост қисмате аз шод буданатро аз ту гирифтанд ва он ҳам чизе нест ба ҷуз аз офаридани шоҳкориҳое дар театри сарзамини худат.
Хеле мехоҳам, ба ҳадде ки забон дар баёнаш лол аст, ин бор биёву бар рафтанат нуқтаи тамом бигузор, бо он ки медонам, инҷо буданат дигар маъние надорад. Зиёд мехоҳам, бароят маҷол бидиҳанд “Девонагӣ 93”-ро руйи саҳна гузорӣ, бо он ки медонам, хиёле беш нест. Мехоҳам, ки зимомдорони вақт бароят шароите фароҳам кунанд, ки бегонагон кардаанд, бо он ки медонам, масруфи корҳое “муҳимтаре” ҳастанд ва ба ин намеандешанд.
Дилат назири қалбест, ки нерӯи рӯшан кардани роҳи имрӯзу фардои миллатро дорост, танҳо бар хилофи қиссаи дили зебои данкоӣ, лозим аст қалбат дар қафасаи ин ҷамъият фурӯзон бошад. Ин дил, диле ба ҳадде зебост, ки мехоҳам тапишашро дар дастонам бибинам ва бибӯсамашу пас бигузорамаш дар ҷояш то думболи корҳои нотамомаш равад. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |