Русский  >>  فارسی  >>  Ҷумъа 9 декабр 2016, 20:28

Муқовимат, шаҳодат ва саодати Аҳмадшоҳ Масъуд

10 сентябр 2011, 06:06

9-уми сентябр аз шаҳодати Аҳмадшоҳ Масъуд, абармарди тоҷик ва қаҳрамони миллии Афғонистон 10 сол сипарӣ шуд.

Шери Панҷшер, аз зумраи он муҷоҳидине буд, ки 23 соли ҳаёти худро сарфи муқовимат алайҳи душманони истиқлоли Афғонистон карда, дар ин роҳ ҷоми шаҳодат нӯш кард. Шурӯъ аз   авохири солҳои 70-и асри гузашта, Масъуд дар сангари ватандорони афғон, ки ҳузури низомиёни шӯравиро дар ин сарзамин қабул надоштанд, истодагарӣ карда, парчами пирӯзиро дар ин роҳ барафрохт.Аҳмадшоҳи шаҳид сарсахттарин мухолифи ҳаракати «Толибон» ва аз зумраи аввалин нафароне буд, ки хатари ин гурӯҳро ба ҷомеъаи ҷаҳонӣ расонд, аммо зимомдорони вақт садои ӯро хеле дер шуниданд, вақте ки аллакай хеле дер шуда буд.

Зимни намоиши як филми мустанад аз ҳаёту муборизаи Аҳмадшоҳ Масъуд , шоми 9-уми сентябр, шабакаи  телевизиони ҷаҳонии «Ориёно» эълом дошт, ки шаҳодати ӯ расидан ба саодат аст. Ҳамзамон, дар аксари манотиқи Афғонистон дар чаҳорчӯби ҳафтаи поси хотири шаҳидон, аз корномаҳои Шери Панҷшер ёд мекунанд. Дар маросиме дар Фарёб раҳбарони эътилофи шимол, аз ҷумла вазири собиқи умури хориҷаи Афғонистон доктор Абдуллоҳ хизматҳои Масъудро ёд карданд. Дар як маросиме дар Кобул бародари Аҳмадшоҳ – Аҳмадвалӣ Масъуд дар баробари хабарнигорон чунин гуфт: “Эҳсоси ифтихор ва эҳсоси ғурур мекунам, ки ин миллати посдори Афғонистон, ки мо аз хизматҳояш сипосгузор ҳастем, ҳамин рӯзу ҳамин ҳафтаро ба хубӣ таҷлил мекунанд”.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!