Чор медали нуқра ва чор нишони биринҷии варзишгарони тоҷик дар Белгия
Варзишагарони тоҷик дар бозиҳои вижаи олимпии тобистона, ки дар Белгия ҷараён гирифт, чор медали нуқра ва чор нишони биринҷӣ ба даст овардаанд.
Сабқати мазкур аз 13 то 20 сентябри соли ҷорӣ дар шаҳри Антверпени Белгия идома кард. Дафтари матбуоти Кумитаи ҷавонон, варзиш ва сайёҳии Тоҷикистон мегӯяд, кишвари моро дар ин мусобиқа 10 варзишгар намояндагӣ дорад.
Умар Насриддинов, варзишгари тоҷик се медали нуқра ба даст оварда, дар баромади гуруҳӣ бо Камила Раҳмонова, варзишагари дигари тоҷик, боз як нишони биринҷӣ гирифтааст. Ҳасан Хоҷаев бо нишондоди паридан ба дарозии 3 метру 67 сантиметр соҳиби медали биринҷӣ шуд. Ҳусейн Хоҷаев бошад, барои давидан ба масофаи 200 метр дар муҳлати 31,53 сония мақоми дуюмро касб кардааст. Сумани Азизхоҷа низ барои ҷаҳидан аз аз ҷой ба дарозии 87 сантиметр соҳиби медали биринҷӣ гардида, Маҳлиё Шарипова дар ҷаҳидан ба дарозии 1 метру 23 сантиметр мақоми чаҳорумро соҳиб шудааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |