13 окт 2014 16:15Тоҷикистон / Иҷтимоӣ / Рӯ ба рӯ / Видео

ВИДЕО-и муроҷиати волидайн ба Шарофиддин: Писарам шукрона кун!

Волидони Шарофиддин Гадоев, узви созмони мамнуъшудаи “Гуруҳи 24” аз ӯ хостаанд, баромадҳои зиддиҳукуматиро хотима диҳаду шукронаи оромию ободӣ кунад ва ба Ватан баргардад.

Дар навори муроҷиати хонаводаи Шарофиддин Гадоев, ки ахиран дар интернет пахш шуд, Ойишамо Абдуллоева, модари Шарофиддин мегӯяд, “ту шукронаи ҳамин Ватан, зиндагии хубу хушамон кун. Ту насиҳатҳои мара, ки аз кӯдакӣ мегуфтам, ба ин хел корҳо дахолат накун куҷо кардӣ? Ҳеч вақт ба раҳи бад нарав, кори бад накун”.

Абдуллоева аз фарзандаш хостааст, дар мамлакати дигар ҳам бошад ба корҳои нағз машғул шавад ва гапҳое бизанад, ки аз кору гапҳояш модараш хурсанд шавад: “Ин гапу корҳоятро бас кун, намехоҳам аз пушти фарзанди ман хуне бирезад. Мехоҳам, дар пайи қадами Шумо гулҳо бишукуфанд. Розигӣ ва дуои маро агар хоҳӣ дар ягон ҷои ҷаҳон ба ягон кас зарар нарасон. Номи нек ними давлат аст”.

ВИДЕОИ МУРОҶИАТИ ВОЛИДАЙНИ ШАРОФИДДИН ГАДОЕВ

Мирзоалӣ Гадоев, падари Шарофиддин Гадоев низ дар ин навор қатъи фаъолияти зиддиҳукуматии ӯро талаб карда, хостааст, ба Тоҷикистон баргардад: “Зиндагӣ ҳоло дар Тоҷикистон хуб аст. Чӣ даркорай ин корҳо, ягон фоида надоранд. Фирефтаи беақлҳои дигар машав”. Қурбон Гадоев, бародари Шарофиддин Гадоев ҳам зимни баромадаш дар ин навор аз бародараш хостааст, пайрави гуруҳҳои бемаънӣ нашаваду дар фикри худ ва волидонаш бошад: “Бигузор дар дами пирӣ роҳат бинанд, ғамашон надеҳ. Баромаду гапҳои зиёдатӣ назан. Гапҳои ягон кас ва гуруҳро гӯш накун. Тинҷ бигард, ҳама ҷо ором аст”.

Шарофиддин Гадоев, узви созмони мамнуъшудаи “Гуруҳи 24” мебошад, ки бо баромадҳои зиддиҳукуматияш дар шабакаи интернет маъруф аст. Ӯ қаблан бо дархости мақомоти тоҷик дар Испания боздошт шуда буд, вале додгоҳ истирдодашро ба Тоҷикистон рад карда, озодаш намуд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Ин як намуд чанги занонаи хукумати Точикистон бар зидди мухолифон мебошад. Чун, ки беаклтарин нафар медонад, ки хама ин гапхо дар зери тири автомат гуфта шудаанд. Магар хафтае пеш надеда буденд, ки ба модару хонаводаи Гадоевхо чигуна балоро ба сарашон оварда буданд? Ана ин хамон мачбуркунии макомот бар хонадони Шарофиддинхо мебошад!!!!!! Озодагон тухам гунахкори чаро наворе, ки як хафта пеш баромада буд онрохам дар макола чой намекуни? Тоин, ки мардум хакикатро фахманд!!!!

Ҷавоб диҳед Иқтибос Шикоят

очаи бача

Бие бачам, кати худут Умаралию Додочона хам биер. Ватан тенчай, амонияй. Ранги Зайд шукрона карда омадан гиред

Ҷавоб диҳед Иқтибос Шикоят

Пухт

Падару модар ва бародари Шарофиддин!
Дигар уро ба Душанбе нахонед, чун такдираш дар ин чумхури пухтааст, агар у биёяд 23 соли зиндон барояш таъйин аст.

Ҷавоб диҳед Иқтибос Шикоят

кулоби

Пухт,
Пухт,
Шарофе азруи гуфтахои одамон падари ту вазифаи пеши пешаш то давраи истиклолият ин нос фуруш бдай. шукронаи ами истиклолияту ами тенчира кун,ки сохиби пулу мол шидию рафти Испанияра диди. Агар аму даврони пеш мешид вазифаи падарта мегирифтию саломатии одамора вайронкарда мегашти .....

Ҷавоб диҳед Иқтибос Шикоят

gado

Shukrona karda omadan gired ba vatan!!!!

Ҷавоб диҳед Иқтибос Шикоят

хамватан

Я,
Бародар ту мардиро дар чи мебини? Дар мардумро ба майдон кашидану хуни нохак рехтан? Ё аз хорича нишаста мардумро ба майдон барорию худат аз дур нишаста нигох кардан? Ё ин ки аз дур истода "хакикат" гап занию аз наздик лаганбардори куни? Ин Шарофиддин Гадоев ва Умарали Куватов як вакт лаганбардори хамин Хукумат буданд, акнун ки "харашон аз чуйбор парид" аз хорича рафтанду ба кавли худшон "Мард" шудаанду ба миллати точик "Хизмати хирсона карда истодаанд" ё "Максади хизмат доранд"

Ҷавоб диҳед Иқтибос Шикоят

мусича

ман нафахмидам, ки чаро ин кадар аз Гурухи 24 дар харосанд, чи онхо ба ин чо одамкуши меоянд, инхо кихоянд ва чи мехоханд, хохиш нависед.

Ҷавоб диҳед Иқтибос Шикоят

Ёвонибача

ОЗОДАГОН!! Чаро матлабхои маро чоп намекуни?? Озод боши, чаро ба як пахлу менигари??? Ё маъкул нашуд суханони ман??

Ҷавоб диҳед Иқтибос Шикоят

garib

Shukrona gufta bargard pisaram in jo turo bo gulu guldasta peshvoz megiran)))

Ҷавоб диҳед Иқтибос Шикоят

хамватан,
Ошно рав аввал аз вазъияти хомонхочахонат бохабар шав бад биё бамо гап ёд дех! Ё, ин, ки хамаро мебинию мешунави худатро ба куру кар шабохат медихи. Ман ба гирдихамойи мардум розиям вале барои чанг не чун,ки ин хочагони ту алакай ба дили мардум задаан.

Ҷавоб диҳед Иқтибос Шикоят

Бахром

Насихатхои хуб лекин мегирифта бошад

Ҷавоб диҳед Иқтибос Шикоят

Эзоҳ илова кунед