22 окт 2014 14:00Тоҷикистон / Ҷавонон ва варзиш

Боз як “Мерседес-Бенс” барои мухлисони футбол дар Душанбе

Дар бозии байналмилалии дӯстона миёни собиқадорони клубҳои футболи “Помир”-и Душанбе ва “Спартак”-и Маскав миёни мухлисон сабукрави “Мерседес Бенс” бурд мешавад.

Федератсияи футболи Тоҷикистон мегӯяд, ҳаводорони футбол имкон доранд, баъди анҷоми бозии дӯстона бо чиптаҳои харидаи худ дар бозии лоторея иштирок намуда, соҳиби худрав бишаванд. Арзиши билетҳо барои ҳамаи ҷойҳо 15 сомонӣ муқаррар шудааст. Бозии футбол миёни собиқадорони тимҳои “Помир”-и Душанбе ва “Спартак”, ки ба 25-солагии аввалин бозии “Помир”-и Душанбе дар чемпионати СССР байни дастаҳои лигаи олӣ бахшида шудааст, 25 октябр дар шаҳри Душанбе баргузор мешавад.

Қарор аст, дар ҳайати “Помир” ситораҳои футболи солҳои 70-80-ум - Владимир Ғуломҳайдаров, Валерий Турсунов, Станислав Карасёв, Алексей Чередник, Андрей Мананников, Анатолий Воловоденко, Олег Ширинбеков, Мӯҳсин Муҳаммадиев, Владимир Ермолаев, Олимҷон Рафиқов, Абдуғаффор Юлдошев, Вазген Манасян, Ҳаким Фузайлов, Владимир Долганов, Александр Пилюгин, Наримон Палабуюк, Сулаймон Бобокалонов, Равшан Бозоров, Рустам Забиров, Шӯҳрат Мамадҷонов, Азамат Абдураҳимов ва дар ҳайати собиқадорони “Спартак”-и Маскав Юрий Гаврилов, Сергей Шавло, Вагиз Хидиятуллин, Георгий Ярцев, Руслан Нигматуллин, Валерий Шмаров, Дмитрий Хлестов, Борис Поздняков, , Юрий Ковтун, Валерий Кечинов, Андрей Пятнитский, Рамиз Мамедов, Эдуард Мор, Олег Кужлев, Владимир Букиевский ва Александр Кокорев бозӣ кунанд.

13 октябр дар бозии дӯстона миёни дастаҳои “Истиқлол”-и Душанбе ва клуби “Шалке-04”-и Олмон дар шаҳри Душанбе низ як сабукрави "Мерседес-Бенс" ба бурд гузошта шуд, ки онро Саид Нарзуллоев, як сокини ноҳияи Варзоб соҳиб гардид.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд: