22 окт 2014 14:16Тоҷикистон / Иқтисодӣ / Тема дня

Домоди президент дар бораи хатарҳо аз Чину Русия

“FINANCIAL TIMES” нашрияи маъруфи ҷаҳонӣ бо нашри як матлаб навиштааст, Тоҷикистон аз Русияи рӯ ба таназзул дар сояи сармояи ҳамсояи пурқудраташ -Чин паноҳ бурданист ва дар ин робита бо Ҷамолиддин Нуралиев, ноиби аввали вазири молия ва домоди Эмомалӣ Раҳмон, раисиҷумҳури Тоҷикистон суҳбате оростааст.

Ин нашрия, ки асосан аз умури иқтисоду молия матлаб ба нашр мерасонад аз қавли Нуралиев овардааст, ки Чин дар се соли оянда ба Тоҷикистон беш аз 6 миллиард доллари амрикоӣ сармоягузорӣ мекунад ва ин то ҷое коҳиши воридоти сармоя аз Русияро ҷуброн месозад.

“FINANCIAL TIMES” менависад, Тоҷикистон, ки ҳаҷми маҳсулоти дохилияш сари ҳар сокин ҳудуди 1 ҳазор доллари амрикоиро ташкил медиҳад, аз маблағи беш аз 1 миллион муҳоҷираш дар Русия вобастагии калон дорад ва дар ҳоле, ки дар пайи таҳримҳо иқтисоди Русия рӯй ба буҳрон овардааст, Тоҷикистон низ метавонад дар ҳолати ногувор қарор бигирад.

Нуралиев бо эътирофи ин нукта изҳори умед кардааст, ки Русия дар ояндаи наздик роҳи ҳалли мушкилоти иқтисодияшро пайдо хоҳад кард ва таъсираш ба Тоҷикистон камтар хоҳад расид. Дар ҳар сурат ноиби аввали вазири молияи Тоҷикистон изҳор доштааст, ки барои ҷуброни коҳиши интиқоли маблағ аз Русия кишвари мо ниёз ба сармоягузорӣ дорад. Ӯ хатари пойбанди Чин шудани Тоҷикистонро эътироф карда, афзудааст, мо як хатти муайянро хоҳем кашид, то аз ҳад вобаста нашавем, аммо на дар ҳоли ҳозир, зеро сармояи чинӣ барои бунёди лӯлаи газ, корхонаҳои истеҳсолӣ ва роҳҳо сарф мешавад: “Мо бояд як хатарро дар баробари хатари дигар дар тавозун нигоҳ дорем.”

Инчунин домоди раисиҷумҳури Тоҷикистон майли бештари мақомоти тоҷикро ба қарзҳои чинӣ шарҳ дода, афзудааст, ки бархилофи созмонҳои молии байналмилалӣ, аз қабили Бонки Ҷаҳонӣ сармояи чинӣ бе расмиёти зиёд, шартгузориҳо ва дар муҳлати нисбатан кӯтоҳ ироа мегарданд.

Дар ҳамин ҳол “FINANCIAL TIMES” илова кардааст, ки Тоҷикистон талоши ҷалби сармояи ғарбиро низ дорад, аммо низоми фасодзада ва расмиёти зиёд монеаи вуруди маблағҳо аз ғарб шудаанд ва Тоҷикисон дар миёни Русия ва Чин мондааст. “FINANCIAL TIMES” аз қавли дипломати ғарбӣ дар Душанбе овардааст, ки дар сурати идомаи таназзули иқтисодиёти Русия ва бекории як миллион муҳоҷири кории тоҷик ба Тоҷикистон буҳрони экзистенсиалӣ таҳдид мекунад ва эҳтимоли такрори ҳаводиси Миср вуҷуд дорад.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

ОББО

Мо чи гуфта метавонем Торикистон дар дасти шумост чинро медихед руссияро медихед Точикистонро худатон медонед

Ҷавоб диҳед Иқтибос Шикоят

Беҳруз

".... аммо низоми фасодзада ва расмиёти зиёд монеаи вуруди маблағҳо аз ғарб шудаанд.." агар ки ғарб фасодзада бошад ма дга гап надорм.

Ҷавоб диҳед Иқтибос Шикоят

Хуршед

Беҳруз,
Манзури Нуралиев аз низоми дохили аст Бехрузи азиз.

Ҷавоб диҳед Иқтибос Шикоят

Хуршед

Беҳруз,
Бахшиш ин харфхои нашрияи “FINANCIAL TIMES” будааст

Ҷавоб диҳед Иқтибос Шикоят

Муаллим

Агар манзур фасодзадагии низоми дохилӣ бошад, пас чаро дар муносибат бо Чин онҳо (фасодкорони тоҷик) худро қафо мекашанд, ё аз Чин метарсанд? Ба қавли русҳо "Бесплатный сыр бывает только в мышеловке". Манзур ин аст ки Чин бе ягон ғараз ин қадар қарзу ёрдамро намедиҳад. Ба ҳар ҳол мо ба Аврупо рӯ биёрем, хубтар аст. Дар ин маврид хатари забт кардани марз ба мо таҳдид намекунад, чунки Аврупо аз мо дур аст ва худи аврупоиҳо низ ниёз ба ин надоранд. Мумкин ҳамун монеъаҳои фасодӣ аз Чин сароғоз гиранд? Майл кардани мо ба Чин, ба фикри ман оқибатҳои хубе надорад!

Ҷавоб диҳед Иқтибос Шикоят

Эзоҳ илова кунед