Бахшҳо
22 окт 2014 17:26Тоҷикистон / Сиёсат

"Эвакуатсия"-и сафири Амрико бо "БТР"-и русӣ аз Душанбе

Сергей Миненков, генерал майори бознишастаи артиши Русия дар пасманзари бадшавии муносибот бо Амрико изҳор доштааст, маҳз гуруҳи ӯ расо 22 сол пеш-24-уми октябри соли 1992 нахустин сафири ИМА ва ҳудуди 25 корманди дигари сафорати Амрико дар Душанберо наҷот додааст.

Миненков дар суҳбат бо сомонаи “Звезда” нақл кардааст, ки моҳи октябри соли 1992 дар авҷи ҷанги шаҳрвандии Тоҷикистон талоши дигари табаддулоти давлатӣ сурат гирифт: “Душанбе он замон дар дасти воҳҳобиҳо ё худ вовчикҳо қарор дошт. Ҷанг байни онҳо ва юрчикҳо ҷонибдорони давлати дунявӣ буд. Раҳбари юрчикҳо дузди қонунӣ Сангак Сафаров, аз ҳаводорони ашаддии Юрий Андропов, собиқ раҳбари КГБ буд, ки баъди Леонид Брежнев раҳбари СССР шуда буд.”

Генерал Миненков изҳор доштааст, ки он замон вақт дар Тоҷикистон хуш (Время было веселое) буд: “Афсарон моҳҳо маош намегирифтанд. Вовчику юрчикҳо якдигарро мекуштанд, ҳудуди 60 ҳазор кушта ва миллион гуреза буданд. Аммо сӯи низомиёни дивизияи 201-ум камтар тир холӣ мекарданд, зеро медонистанд, ки ҷавоби сахт хоҳем дод.”

Генерали рус зикр кардааст, ки он замон фармондеҳии ротаи ҷосусӣ-десантии дивизияи 201-умро ба уҳда доштааст ва моҳи октябри соли 1992 талоши дигари табаддулот сурат гирифт: “Субҳи барвақт ҷангиёни фронти халқӣ таҳти роҳбарии Сафаралӣ Кенҷаев ба Душанбе зада даромаданд. Фармондеҳи дивизия Муҳриддин Ашӯров ман ва фармондеҳи баталион Ҳасаншо Баксановро даъват карда, вазифа гузошт, ки бо дархости Департаменти давлатии Амрико аз Кремл мо бояд ҳайати сафорати ин кишварро дар Душанбе наҷот диҳем. Бояд дипломатҳоро аз меҳмонхонаи “Октябр”, феълан Авесто, ки дафтари сафорат дар он ҷо қарор дошту дар миёни ҷанг қарор гирифта буд, ба фурудгоҳ мебурдем. Ман гуфтам, ки бо ротаи худ аз уҳдаи иҷрои ин супориш мебароям ва худам савори зиреҳпӯши аввал ва ду зиреҳпӯши дигар аз ақиб ба самти меҳмонхона равон шудем.”

Миненков дар идома афзудааст, ки он рӯз савори зиреҳпӯшон мо аз байни ҷасадҳои қади роҳ партофта мегузаштем, ки дар чорроҳаи назди фурушгоҳи марказӣ, “ЦУМ” ҳадафи тирпаронӣ аз грантамёт қарор гирифтем: “Ду зиреҳпӯш гузаштанд, аммо сеюм зери борони тир монд. Мо низ гашта, ба ҳамлагарон посух додем ва онҳое, ки зинда монда буданд, фирор намуданд. Аз мо танҳо як сарбоз аз дасташ ҷароҳат бардошт.”

Генерали рус илова намудааст, ки он замон 25 корманди сафоратро аз миёни ҷанг берун бурдаанд, ки нисфашонро муҳофизон ташкил медоданд ва дар як ҳолати тарс қарор доштанд: “Пеш аз ҳама ба зиреҳпӯш сафир савор шуд, ки бо вуҷуди 20 градус гармӣ дар сар кулоҳи пашмин дошт. Онҳоро ба фурудгоҳи Душанбе бурдем ва он ҷо ҳавопаймои С-130, «Геркулес» бо гуруҳи таъиноти махсуси амрикоӣ фуруд омад. Мо аз сарбозони амрикоӣ тамоку гирифтем, ки он замон дар мо кам буд. С-130 сафир ва дигар кормандони сафоратро гирифта, парвоз кард.”

Миненков изҳор доштааст, ки баъди 10 сол аз ин ҳодиса, замоне, ки муовини фармондеҳи дивизияи 201 дар Тоҷикистон буд, ӯро ба сафорат даъват намуда, барои наҷоти дипломатҳои амрикоӣ ташаккур гуфтаанд ва он амалиётро мисоли хуби ҳамкорӣ ва дӯстии ду давлат хондаанд.

Нахустин сафири Амрико дар Душанбе Стенли Т. Эскудеро буд, ки аз апрели соли 1992 то марти 1993 ба ҳайси намояндаи фавқлодда ва аз марти 1993 то июни 1995 ба ҳайси сафири фавқулодда ва мухтор кор кардааст.
Мӯҳр
"Сергей Миненков, генерал майори эҳтиётии артиши Русия"-шакли сахехаш "генерал-майори эхтиёт" (генерал-майор в запасе), на "генерал-майори эхтиёти"!

Не согласен
ЮРИЙ Брежнев??? Якбора Вера Брежнева менавистед

Эхтиёти нею бознишаста

hd
Ташаккур дӯстон!!! Ба умеди ҳамкориҳои оянда ва беҳбуди ин сомона аз нигоҳи муҳтаво, фаврият, касбият ва ҷумлабандӣ маслиҳатҳои худро минбаъд низ дареғ надоред!!!

Кулоби
Хаминхл баромадхои Кувватов ва Гадоев давом кардан гирад иншоллох боз хамон рузхоро бар сари мардуми бечораи точик меоранд

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)