Русский  >>  فارسی  >>  Шанбе 3 декабр 2016, 07:28

42 270 нақлиёти шахсӣ дар пойтахт ба қайд гирифта шудааст

14 май 2011, 07:51

Санҷишу амалиёти вижаи кормандони БДА ва кумитаи андоз нишон доданд, ки  сабаби иҷро нагардидани нақшаи андоз  аз соҳибони воситаҳои нақлиёт, дар он аст, ки  баъзе аз соҳибони воситаҳои нақлиёт автомашинии худро истифода наменамоянд ё ронандаҳое, ки дар рустоҳои дурдаст умр ба сар мебаранд, воситаи нақлиётро бе ягон муоинаи техникиву пардохти андоз истифода мекунанд.

Тавре ба хабаргузории «Озодагон» аз ин кумитаи андоз иттилоъ доданд, дар таваққуфгоҳи воқеъ дар кӯчаи  Шамсӣ 16-и ноҳияи Синои пойтахт ҳангоми рейди муштарак рақамҳои давлатии якчанд адад автомобилҳои сабукрав, боркаш ва мусофиркаш  аз ҷониби гурӯҳи корӣ барои    ба мӯҳлатҳои дароз пардохт накардани андоз аз соҳибони воситаҳои нақлиёт,  гирифта шуда, маводҳои лозима тартиб дода шуд. Зимнан, таҳлилҳо нишон доданд,ки нақшаи пешбинишуда нисбат ба семоҳаи соли 2010 ба маблағи 707 ҳазору 581 сомонӣ зиёд гардидааст, дар сурате ки аз рӯи маълумотҳои БДА-и шаҳри Душанбе  шумораи умумии зиёдшудаи воситаҳои нақлиёт ҳамагӣ 1904 ададро ташкил менамояд, ки нисбат ба нақшаи андози семоҳаи соли сипаригашта 34 фоиз зиёд мебошад. Дар ҳолате ки шумораи воситаҳои нақлиёт ҳамагӣ 4,7 фоиз зиёд шудаасту халос.  Шумораи умумии воситаҳои наклиёти шахсӣ агар дар таърихи 1-январи соли 2010  40 ҳазору 366 адад бошад, пас ин шумора ба 1- январи соли 2011 42 ҳазору 270 ададро ташкил медиҳад.  Дар шаҳри Душанбе дар семоҳаи аввали соли 2011 нисбат ба ҳамин давраи соли 2010 аз соҳибони воситаҳои нақлиёт  ба маблағи 139 393 сомонӣ андоз кам ҷамъоварӣ гардид, ҳол он ки дар ин давра аз рӯи маълумоти БДА беш аз 1900 адад воситаҳои нақлиёт зиёд ба қайд гирифта шудааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!