Русский  >>  فارسی  >>  Сешанбе 6 декабр 2016, 05:49

Мирсаид Яҳёев: Тӯҳфаи таэквандочиёни тоҷик ба ҷашни Истиқлол воқеан арзанда аст

14 сентябр 2011, 10:48

Аз 4-ум то 14-уми сентябр дастаи таэквондочиёни Тоҷикистон барои иштирок дар чемпионати ғайриолимпии ҷаҳон аз рӯи риштаҳои гуногуни каратэ дар Куриёи Шимолӣ қарор дошт.


Нимаи аввали имрӯз (14-уми сентябр) тими варзишгарони ҷумҳурӣ бо натиҷаҳои дилхоҳ ва назаррас ба Душанбе баргашт. Дар фурудгоҳи пойтахт онҳоро наздикону пайвандон ва намояндагони Кумитаи ҷавонон варзиш ва сайёҳӣ, ҳамчунин масъулини дигар сохторҳои марбута истиқбол карданд, ки хабарнигори «Озодагон» низ миёни пешвозгирандагон ҳузур дошт.

Мирсаид Яҳёев, раиси федератсияи таэквандои Тоҷикистон дар сӯҳбат бо «Озодагон» изҳор дошт, ки дар ин мусобиқаи бонуфузи байналмилалӣ намояндагони  84 давлат ширкат варзиданд. Бино ба қавли ӯ, мақоми аввали ифтихориро соҳибони майдон- варзишгарони Куриёи ШимолӣҶойи якумро таевондочиёни Куриёи Шимолӣ соҳиб шуданд, ҷойи дуюм насиби варзишгарони Русия гардида, Тоҷикистон барандаи ҷои сеюм ва нишони биринҷии сабқат шуд. Яҳёев афзуд, ҳайати дастаро 13 нафар варзишгарон, 5 духтар ва 8 писар ташкил медод. Ҳамаи онҳо соҳиби медал шуда, натиҷаи аз ҳама баландро Сабина Тағойназарова ва Далер Тӯраев ба даст оварданд. Ин ду тан аз рӯи натоиҷи инфиродӣ ҷойи аввалро ишғол карда, дар маҷмӯъ тими Тоҷикистон 2 нишони тилло, 5 медали нуқра ва 6 нишони биринҷӣ ба даст оварданд. «Барои ман хурсандиовар, он буд, ки рӯзи 8-уми сентябр Сабина Соҳибназарова сазовори медали тилло ва соҳиби унвони чемпиони ҷаҳон шуд ва  рӯзи 9-ум Далер Тӯраев боз ҳамин натиҷаро такрор кард, ки ин тӯҳфаи арзандае буд дар арафаи ҷашни Истиқлол ба мардуми Тоҷикистон»,-ҷамъбаст кард Мирсаид Яҳёев.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!