30 окт 2014 16:37Тоҷикистон / Дин ва зиндагӣ

Даргузашти Комил Мусофиров, мубаллиғи арабӣ дар Тоҷикистон

Комил Мусофиров, собиқ декани Факултаи шарқшиносии Донишгоҳи миллии Тоҷикистон ва яке аз мубаллиғони асосии забони арабӣ дар кишвар шоми 29-уми октябр дар синни 77 солагӣ аз дунё даргузашт.

Мусофиров соли 1937 дар ноҳияи Тоҷикобод таваллуд шуда, аз аввалин хатмкардаҳои факултаи шарқшиносӣ (забонҳои Осиё ва Аврупо)-и ДМТ дар солҳои 1958-1963 мебошад. Ӯ инчунин муҳассили яксолаи Донишгоҳи Бағдод буда, зиёда аз 50 сол дар кафедраи филологияи араби ДМТ ба ҳайси омӯзгори забон ва адабиёти араб кор кардааст.

Комил Мусофиров тӯли 12 сол, аз 1983 то 1995 раҳбарии факултаи шарқшиносиро ба уҳда дошта, муаллифи зиёда аз 50 мақолаи илмиву тадқиқотӣ ва беш аз 20 китобро аз арабӣ ба тоҷикӣ ва русӣ тарҷума кардааст. Аз ҷумла “Китоби дарсии забони арабӣ”-1975, “Маҷмуаи ҳикояҳо ва латифаҳои арабӣ”-1970, “Ҳикояҳои арабӣ”, “Шарораи аввалин”, “Ном ва номгузорӣ” маҳсули қалами Мусофиров мебошанд.

Ӯ барои хизматҳои шоёнаш дар замони шӯравӣ бо “Нишони аълочии мактабҳои олии СССР”, медал барои “Меҳнати шуҷоатнок” ва дар замони истиқлолият ба унвони фахрии “Корманди шоистаи Тоҷикистон” мушарраф гаштааст.

Мӯҳр

Хабарҳои монанд:

Раҳнамо

Рӯҳаш шод бод! Марди хубе буд.

Ҷавоб диҳед Иқтибос Шикоят

Дар рахмати Худованд!

Ҷавоб диҳед Иқтибос Шикоят

Хамдам

Устод Комил Мусофиров бисёр инсони хоксору росткавл ва кадри оригинал буданд. Ин хел кадрхоро дар замони хозира дарёфт кардан бисёр мушкил мебошад. Дуругу рост химоя мекунанд ё ягон каси дигар рисолаи номзадиашонро менависанд. Имл хор шуд.
Ёди устод Комил Мусофиров бахайр ва хонаи охираташон обод бод.

Ҷавоб диҳед Иқтибос Шикоят

Рухат шод бод устоди тамоми шаркшиносони точик.

Ҷавоб диҳед Иқтибос Шикоят

Азизмурод

Инсони хуб буданд. Рухашон шод бошад.

Ҷавоб диҳед Иқтибос Шикоят

Эзоҳ илова кунед