Бозиҳои ҷавобии давраи дуввуми ҳаштякниҳоии Ҷоми Тоҷикистон-2011 поён ёфт.
Дастаи «Гвардия»-и Душанбе бо «ССКА Помир» дар майдони худ рақобат намуда, бо ҳисоби 1 бар 7 мағлуб шуд. «Шодмон»-и (Ҳисор) тими «Вахш»-и Қӯрғонтеппаро дар майдони худ қабул намуда, бозиро бо натиҷаи 0:1 бохт. Футболбозони «Хайр»-и Ваҳдат дастаи «Кӯктош»-и Рӯдакиро бо ҳисоби калони 5 бар 0 мағлуб карданд. Дастаи «Равшан»-и Кӯлоб мебоист, бо «Энергетик»-и Душанбе дар варзишгоҳи шаҳри Норак бозии ҷавобиро мегузаронид, аммо бо сабаби ҳозир нашуданаш бо ҳисоби техникии 0:3 мағлуб дониста шуд. Дар бозии аввали ин ду даста “Равшан” дар майдони худ бо ҳисоби 3:2 ғолиб омада буд.
Дар сабқати ҷавобии даври севвум ё чаҳорякниҳоии Ҷоми Тоҷикистон бошад, «Ҳулбук»-и Восеъ бо «Регар ТадАЗ» қувваозмоӣ намуда, бо ҳисоби 1 бар 0 зафарёб гардид.
Гуфта мешавад, дастаи «Истиқлол»-и Душанбе, барандаи Ҷоми Тоҷикистон дар соли 2010, ба даври нимниҳоӣ роҳ ёфт, зеро рақибаш - дастаи «Парвоз»-и Бобоҷон Ғафуров аз рақобат бо тими «Истиқлол» дар даври чаҳорякниҳоӣ даст кашид.
Дар даври ниманиҳоӣ бошад “Истиқлол” бо ғолиби ҷуфти «ССКА Помир», «Энергетик» «Регар ТадАЗ» бо ғолибони ҷуфти «Вахш» ва «Хайр» рақобат хоҳанд кард.
Ба иттилои манбаъ, сабқати чорякниҳоии Ҷоми Тоҷикистон рӯзи 27-уми сентябр баргузор мегардад, ки дар ин бозӣ «Истиқлол» бо «Парвоз», «ССКА Помир» бо «Энергетик» ва «Вахш» бо «Хайр» рақобат мекунанд. Бозиҳои ҷавобӣ 1-уми октябри соли равон баргузор мегардад. Ин навбат «Парвоз» бо «Истиқлол», «Энергетик» бо «ССКА Помир» ва «Хайр» бо «Вахш» қувваозмоӣ хоҳанд кард.{jathumbnail off}
Мӯҳр