Русский  >>  فارسی  >>  Душанбе 5 декабр 2016, 19:37

SOS: «Занозанӣ» барои дидани чеҳраи Йигиту Наҷиб-сардор дар Душанбе!

16 сентябр 2011, 12:15

Иштиёқи дидори Йигит ва дигар актёрони синамои туркӣ дар Душанбе барои ҳаводорони ҳунари онҳо ҳузнангез хотима ёфт.


Тибқи иттилои як манбаи мӯътамад, ки ба хабаргузории «Озодагон» иттилоъ дод, дар литсейи тоҷикӣ-туркии ба номи Ҳоҷӣ Камоли маҳаллаи Маяковскийи пойтахт мебойист, соати 11-и ҳамин рӯз вохӯрии таълимгирандагони ин дабистон бо ҳунармандони мазкур баргузор мегашт. «Аз саҳари солеҳон одамони зиёд ва хонандагони мактаби мутавасситаи рақами 37 дар назди ҳавлии литсей ҷамъ шуда, омадани Наҷибу Йигит ва Ҳалимаро интизорӣ мекашиданд. Аммо омад-омади ситораҳои синамои турк ба дарозо кашида, соати 14 ба мошини онҳо намоён шуд»,-афзуд манбаъ.

Зимнан, омӯзгорони литсей иҷоза надоданд, ки талабагони мактаби 37 ва сокинони маҳалла вориди бинои литсей шаванд. Ин издиҳом ба шӯр омада ба сӯи устодони мактаби тоҷикӣ-туркӣ сангу кулӯх ва чалғӯзаи дарахтонро ҳаво додаанд.

Як устоди литсей, ки аз гуфтани номаш худдорӣ кард, афзуд: «Ҳатто яке аз мураббияҳои литсейи мо ҳадафи ҳамлаи наврасон қарор гирифта, ҷароҳати ҷисмонӣ бардошт. Талабагони мактаби 37 панҷ каса муаллимаро латукӯб карданд». Инъомҷон, муҳассили литсей дар тақвияти гуфтаҳои устодаш иброз дошт, ки Сунатулло ном муҳассили дабистони тоҷикӣ-туркӣ ҳам дар зери чашмаш «сиёҳӣ» (синяк) гирифт…

Ёдрас менамоем, студияи «Ҳамсадо», ки тарҷума ва баргардони филми туркии «Ҳомиён»-ро ба тоҷикӣ анҷом додааст, бо интихоби мухлисонаш панҷ нафар аз ҳунармандони силсилафилми мазкурро ба Душанбе даъват кардаст. Ба ин муносибат, рӯзи 17-уми сентябр дар толори бузурги кохи «Борбад» шоу-барнома  бо унвони «Истиқлол» бо ширкати ҳунармандони филми «Ҳомиён» аз ҷумла Йигит, Ҳалима, Наҷиб-сардор, Мемду ва Хайрӣ баргузор мегардад.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!