Русский  >>  فارسی  >>  Панҷшанбе 24 январ 2019, 11:25

Парлумон 15 масъули нави КМИР-ро тасдиқ кард

9 декабр 2014, 11:15

Маҷлиси намояндагон, палатаи поёнии парлумони Тоҷикистон имрӯз, 9-уми декабр, раис, муовин ва 13 узви нави Кумитаи марказии интихобот ва раъйпурсиро, ки аз ҷониби раисиҷумҳур Эмомалӣ Раҳмон пешниҳод шуданд, тасдиқ намуд.

Тавре хабарнигори “Озодагон” аз парлумон хабар дод, ба мақоми раиси КМИР -Шермуҳаммад Шоҳиён ва муовиниаш - Зокиров Саидбой таъин шуданд. Зокиров Саидбой, раҳбарии Иттифоқи касабаи вилояти Суғдро ба уҳда дорад.

Дар қатори 13 узви тасдиқшудаи КМИР аз ҷумла Наимова Вера, дотсенти Донишгоҳи славянӣ, аз ҳисоби коммунистҳо, Азизова Моҳистон, директори мактаби рақами 98-и шаҳри Турсунзода аз ҳизби ҳокими ҲХДТ, Алиф Изатулло, муовини раиси Иттифоқи ҷавонони Тоҷикистон ва раиси Пойтахт 80, Ёрматова Олима, директори мактбаби рақами 38-и Сино, аз ҳизби сотсиалистҳо, Акбаралӣ Саттор, раиси Иттифоқи рузноманигорон, Нуралӣ Саидов, котиби Шурои ҳамоҳангсози ҷумҳурӣ, узви ҲХДТ, Зиё Раҳмон, муовини директори “Маркази тарзи ташаккули ҳаёти солим”-и Вазорати тандурустӣ аз ҳизби аграрӣ, Маҳмудов Ҷамолиддин, мушовири раиси ҲНИТ, Раҷабов Маҳмадёр, мудири кафедраи ҳуқуқшиносиии ДМТ, узви ҲХДТ, Шодмонбеков Юсуфбек, мушовири ректори Донишгоҳи шаҳри Хоруғ оид ба масоили ҳуқуқӣ, узви ҲХДТ, Ҷамшед Ҷамшедов, котиби илмии Институти фалсафа ва сиёсатшиносии Академияи улум, Файзова Муҳаббат, раиси ҷамоати шаҳраки Оби Киики ноҳияи Хуросон ва Зоиров Муҳаммадборон, корманди Кумитаи сармоягузории Тоҷикистон номбар шуданд.

Эмомалӣ Раҳмон, раисиҷумҳури Тоҷикистон зимни пешниҳоди аъзои нави КМИР охири ҳафтаи гузашта онҳоро ба ҳузур пазируфт ва дастур дод, ки интихобот бояд бо риояи талаботи қонунгузории Тоҷикистон ва меъёрҳои эътирофшудаи байналмилалӣ ба таври шаффофу демократӣ ба роҳ монда шавад. Ба иттилои дафтари матбуоти раисиҷумҳур зимни мулоқот ҳамчунин таъкид гардид, ки "татбиқи талаботи қонун ва меъёрҳои демократии интихоботӣ бояд барои ҳамаи номзадҳо бо шароити баробар ва яксон таъмин карда шавад.”

Раисиҷумҳури Тоҷикистон изҳори боварӣ намудааст, ки интихоботи навбатии вакилон ба Маҷлиси намояндагони Маҷлиси Олии Ҷумҳурии Тоҷикистон, ки рӯзи 1 марти соли 2015 баргузор мегардад, дар фазои орому осуда ва бо риояи меъёрҳои ҷаҳони мутамаддин ҷараён гирифта, ба таҳкими ваҳдати миллии Тоҷикистон ва рушди босуботу бонизоми ояндаи кишвар мусоидати фаъол менамояд.


Шарҳи худро бинависед:

Ном:*
E-Mail:
Матни шарҳ:
Посух додан
  • ХСДТ

  • 9 декабр 2014 11:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ЧИДА АЙ ХИЗБИ РАХМАТИЛЛО НЕСТАЙ??? ХАМИ МАРДАК ДАР ХАКИКАТ БАСАВОДАЙ...МАН БОВАРИ ДОРМ КИ ХАР КАДОМ МАНСАБДОРИ СОХАИ ХУКУКА БО КОНУН 10:0 МЕЗАНАД...АФСУС КИ И КАДРА ХОР КАРДАНД...БРАВО ЗОЙИРОВ!!! Ш Е Р И Н А Р РРР!!!
Посух додан
  • Рустам

  • 9 декабр 2014 15:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рахматилло дар Дастгохи Президент вазифа дошт, ношукрй карда рафту ба чунин руз афтод... Айби худаш!
Посух додан
  • Додобоев

  • 9 декабр 2014 15:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чамшед Чамшедов, ки аъзои КМИР аст, каблан худро узви ХСДТ муаррифи намуда буд, аммо холо у мегуяд аз ин хизб баромадааст. Кым гунахгор? хукумат ё ин хизб бо аъзоёни ноустувораш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!