Миср: Санаи баргузории интихоботи парлумонӣ маълум гашт

Шеваи баргузории интихобот дар Миср пас аз барканориии раҳбари ин давлат Ҳуснӣ Муборак эълом шуд.

Тибқи иттилои расонаҳо, ин маърака аз се марҳила иборат буда, даври аввали он рӯзи 21-уми ноябр сурат мепазирад. Бино ба қавли масъулини ҳукумати ҷадиди Миср, қарор аст ин интихобо рӯзи 3-юми январи соли 2012 ба поён расад ва натиҷаи ниҳоии он эълом гардад. Гуфта мешавад, парлумони Миср аз ду палатаи Маҷлиси намояндагон бо 504 курсӣ ташкил мешавад.

 

Аммо то ҳанӯз дар мавриди замони баргузории интихоботи президентӣ ҳеч санаде ва ё қарори марбута ба имзо нарасидааст, аммо расонаҳо ба такя ба як манбаъ дар ҳукумати Миср менависанд, ин тасмим то моҳи апрели соли равон амалӣ хоҳад гашт.

Ёдрас менамоем, моҳи марти соли равон мухолифини ҳукумати Ҳуснӣ Муборак қиём карда, ба майдонҳои Қоҳира рехтанд. Роҳпайпоӣ ва гирдиҳамоии онҳо бойис гашт, ки райисҷумҳур аз мақомаш истеъфо диҳад. Феълан, президенти собиқ, ки 31-сол зимоми давлатро дар Миср ба дӯш дошт, якҷо бо ду писараш ва чанд мақоми аршади ҳукумати собиқ дар назди додгоҳ ба аъмоли содиркардаашон ҷавоб медиҳанд. Онҳо ба фасод ва судури фармони қатли мухолифон дар ҷараёни инқилоби ҳаждаҳрӯзаи Миср дар зимистони пеш муттаҳам ҳастанд.

Мӯҳр