Эмомалӣ Раҳмон ба Назарбоеви 75-сола саломатӣ хостааст
Эмомалӣ Раҳмон, раисиҷумҳури Тоҷикистон, имрӯз, 16-уми декабр бо ирсоли як паёми шодбошӣ ҳамтои қазоқаш Нурсултон Назарбоевро бо ҷашни миллӣ -Рӯзи истиқлолияти Қазоқистон табрик намудааст.
Тибқи иттилои дафтари матбуоти раисиҷумҳури Тоҷикистон Эмомалӣ Раҳмон дар паёмаш аз ҷумла изҳор доштааст, ки “барои Тоҷикистон муносибатҳо бо Қазоқистон ҳамчун як ҷузъи асосии афзалиятноки сиёсати берунӣ ҳамеша боқӣ мемонанд. Мо барои рушди рӯзафзуни он ҳавасмандем ва омодаем барои дар амал татбиқ намудани иқтидори бузург ҷиҳати ҳамкориҳои мутақобилае, ки кишварҳоямон соҳибанд, тамоми корҳои заруриро анҷом диҳем. Мехоҳам изҳори умед кунам, ки мо тавассути кӯшишҳои муштарак метавонем он бойигарии бебаҳоеро, ки аз гузаштагонамон ба мерос гирифтаем, боз ҳам ғанитар гардонем.”
Дар ниҳояти паём Эмомалӣ Раҳмон ба ҳамтои қазоқаш, ки ба синни 75 қадам ниҳодааст, саломатии бардавому амалишавии мақсадҳо ва ба мардуми бародари Қазоқистон-беҳбудӣ ва пешрафти минбаъдаро таманно кардааст.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |