Омор ё дурӯғи маҳз? (ВИДЕО)
“Се навъе аз дурӯғ вуҷуд дорад; дурӯғ, дуруғи маҳз ва омор”. Ин гуфтаро Марк Твен, нависандаи амрикоӣ, ба нахуствазири вақти Бритониё - Бенямин Дизраелӣ нисбат медиҳад. Ту гуӣ, ин гуфтаро барои ман гуфта бошад, ки ҳамеша ба омор бо шаку тардид нигоҳ мекунам. Ахиран, ҷаноби Шермуҳаммади Шоҳиён, раиси Комиссияи марказии интихобот ва раъйпурсӣ бори дигар саломати оморро зери суол бурду шаку тардидро қувват дод.
Ба ҳисоби оқои Шоҳиён дар тӯли 11 моҳи соли ҷорӣ аз Тоҷикистон 630 ҳазор нафар ба хориҷи кишвар сафар кардаанд ва аз ин адад ҳудуди 400 ҳазор баргаштаанд. Яъне, феълан дар хориҷи кишвар 630 ҳазор - 400 ҳазор = 230 ҳазор шаҳрванди Тоҷикистон ба сар мебарад. Яъне, аз рўи ин ҳисоб айни замон дар Русия 230 000 муҳоҷири тоҷик кор мекунад. Хонандаи арҷманд, ба ин рақам бовар дорӣ?
Истидлоли дигари КМИР ин буда, ки бештари муҳоҷирони мо мавсимӣ сафар мекунанд. Инҷо гусели ҳамсинфҳо, ҳамдеҳаҳо ва ёру дӯстон ба ёд мезанад, ки дар фурудгоҳ варақи муҳоҷираташонро пур мекардам, ҳоло 5-6 сол аст, ки дар Русия ба сар мебаранд. Чанде аз онҳо ҳатто ба депорт аз ин кишвар тан намедиҳанд ва маҷбуранд таъқибу азияти беҷои ниҳодҳои интизомиашро тоқат кунанд. Бо як ҳисоби оддии дигар ба омори муҳоҷирон нигоҳ мекунем. Фарз кардем, дар Тоҷикистон тахминан 1,5 миллион оила зиндагӣ мекунад. Аз ин шумора 500 ҳазорро тарҳ мекунем, ки ин теъдоди оилаҳо шояд дар Русия муҳоҷир надоранд. Боқӣ, аз 1 миллион оилаи дигар агар 1 нафарӣ муҳоҷир бошанд, шумораи муҳоҷирон роҳат ба 1 миллион мерасад.
Гуфта мешуд, соли гузашта муҳоҷирон аз Русия ҳудуди 4 миллиард доллар фиристодаанд. Ҳоло ин рақамро ба 630 000 ҳазор тақсим намоед, боз ба хандаовар будани омори Шоҳиён бовар менамоед.
Аз ин ҳисобҳо бигзарем ва ба гуфтаи раиси КМИР бовар намоем, ки мо ҳоло 230 000 муҳоҷир дорем, дар ин ҳол ҳам боясти ҳаққу ҳуқуқи эшон ба инобат гирифта шавад ва имкони иштирок дар интихобот ба онҳо фароҳам гардад. Чун ба онҳо низ ин ҳақро Сарқонун додааст.
Назарпурсии "Озодагон": Оилаи Шумо чанд муҳоҷир дорад?
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
