Русский  >>  فارسی  >>  Панҷшанбе 29 июн 2017, 07:03

Парвандаи прокурор бознигарӣ мешавад?

16 май 2011, 07:07

Собиқ сардори раёсати додситонии вилояти Маскав Дмитрий Урумов, ки бо дигар ҳамтоёнаш  барои ривоҷ ва пуштибонии тиҷорати қиморӣ ё казиноӣ муттаҳам мешаванд, аз додситони кулли Русия дархост намудааст, дар сурати бозбинии махсуси парвандааш ва таъини ҳадди камтарини ҷазо бо тадқиқот ҳамкорӣ ва ҷиноёти бештари ҳамтоёнашро ошкор хоҳад кард.

Тавре мақомоти интизомӣ хабар медиҳанд бар ивази кафолати созишномаи тододгоҳӣ ва таъини ҳадди камтарини ҷазо Урумов ҷинояти беш аз 10 нафар воломақоми додситониро барои тафтишот ошкор мекардааст, ки дар тартиботи тарҳрезишудаи фасодӣ ширкат доштаанд.

Дар ҳамин ҳол, вакили дифоъи Урумов гуфтааст, намедонад, ки бо кадом сабаб  Урумов чунин пешниҳодро дар ихтиёри додситонӣ гузоштааст. Гуфта мешавад, ки додситони кулл эҳтимол ин тақозои собиқ додситонро ба хотири коста нашудани нуфузи бе ин ҳам  дар ин росто костааш рад намояд.

Ёдовар мешавем, ки кумитаи тафтишоти Русия бо ифтитоҳи парвандаи пурсарусадои тиҷорати қиморӣ ва ё казиноӣ прокурори вилояти Маскав Александр Моховро аз вазифа барканор карда, нисбати муовини аввалин ӯ Александр Игнатенко ва як қатор прокуророни шаҳру навоҳии вилояти Маскав барои ҳимоят ва ё «кришагӣ »-и сарвари силсилаказиноҳои Маскав Александр Назаров ва гирифтани пора парвандаи ҷиноӣ боз намудааст. Аз рӯи ин парванда Александр Игнатенко ва додситони ноҳияи Одинтсово Роман Нишеменко фирор карда, нисбаташон пайгарди қонунӣ эълон шудааст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!