То моҳи ноябри соли 2012 шоҳроҳи нави Қӯрғонтеппа-Панҷи поён мавриди истифода қарор мегирад

Эмомалӣ Раҳмон, президенти Тоҷикистон барои ифтитоҳи корхонаи муштараки Тоҷикистону Ҷопон ва шиносоӣ бо ҷараёни тармими роҳи мошингарди Қӯрғонтеппа-Панҷи поён ва мулоқот бо аҳолӣ ба навоҳии Қубодиён ва Ҷалолиддини Румии вилояти Хатлон сафар кард.

---

Тибқи иттилои дафтари матбуотии райисҷумҳур, Эмомалӣ Раҳмон нахуст аз корхонаи номбурда, ки дар як сол то 3 ҳазор тонна решаи ширинбияро коркард намуда, аз он маҳсулоти нимтайёр барои истеҳсоли доруҳои қиматбаҳои бемориҳои ҷигар омода месозанд, оғоз ёфт.Корхонаро ҷамъияти саҳҳомии пўшидаи «Аввалин» ном гузоштаанд ва ин ба он хотир аст, ки минбаъд шумораи корхонаҳои муштараки саноатии Тоҷикистону Ҷопон, аз ҷумла доир ба истеҳсоли доруворӣ аз гиёҳҳои шифобахши кишвари биҳиштосои мо зиёд шавадСарвари ширкати ҷопонии «Коки» Хироши Ёшида, ки асосгузор ва сармоягузори бунёди ин корхона мебошад, ӯҳдадор шуд, ки минбаъд истеҳсоли маҳсулоти тайёри ниҳоӣ, яъне дорувориро дар Тоҷикистон ба роҳ монда, аз ҳамин ҷо содирот мекунад.Ин корхона бо харҷи 3 миллион доллари амрикоӣ бунёд ёфта, 50 нафарро бо кори доимӣ ва 150 каси дигарро бо кори мавсимӣ таъмин менамояд.

Ҳамзамон, президент ба ноҳияи Ҷалолиддини Румӣ ташриф оварда, бо рафти корҳои навсозии роҳи мошингарди Қӯрғонтеппа – Панҷи поён аз наздик шинос шуд.Зимни шиносоӣ бо лоиҳа, аз ҷумла зикр гардид, ки дарозии умумии ин шоҳроҳ 87 км буда, навсозии қитъаи 27 километраи Дўстӣ- Панҷи поёни он аллакай ба поён расидааст ва мавриди истифода қарор дорад.Дар 42 км қитъаи 60 – километраи Дўстӣ-Қурғонтеппа 94% корҳои навсозӣ, аз ҷумла бунёди 7 пул анҷом ёфтааст. Навсозии 18 км боқимонда соли 2012 оғоз ёфта, то моҳи ноябри ҳамон сол шоҳроҳи нави Қӯрғонтеппа - Панҷи поён пурра омода мегардад.{jathumbnail off}

Мӯҳр