Истеъфои сармураббии дастаи «Истиқлол»-ро напазируфтанд

Мо истеъфои Рафиковро рад кардем. Фикр мекунам, бо ҳамин ин масъала анҷом меёбад.

---

Бовар дорам, ки нокомӣ дар сабқати Ҷоми раиси Конфедератсияи футболи Осиё аъзои тими «Истиқлол»-ро барои иҷрои вазифаи асосии мавсим – пирӯзӣ дар чемпионати миллии кишвар боз ҳам муттаҳид месозад.Дар ин бора, сомонаи интернетии  клуби мазкур ба такя ба суханони Шоҳрух Саидов, президенти тими «Истиқлол» иттилоъ додааст.

Маврид ба ёдоварист, Олимҷон Рафиков, сармураббии дастаи «Истиқлол» бохтҳои ахири тими мазкурро дар сабқат барои Ҷоми раиси AFC ҷурми худ номид. Ӯ дар нишасти хабарие пас аз бозии дастаи «Истиқлол» дар даври дуюми Ҷоми раиси Конфедератсияи футболи Осиё дар Тайван, ки бо ҳисоби 1:1 анҷом ёфт ва «Истиқлол»-ро аз ҳаққи ширкат дар бозии ниҳоӣ маҳрум кард, гуфта буд: «Бозии мо дар сабқати Ҷоми раиси Конфедератсияи футболи Осиё ғайриқаноатбахш буд ва масъулияти он пеш аз ҳама бар дӯши ман, сармураббии даста аст. Кори ман дар куҷое мукаммал набуд ва ман натавонистам, бозигарони худро ба сабқат омода кунам. Бинобар ин ман аз мақоми сармуррабии дастаи «Истиқлол» истеъфо медиҳам».

Дар ҳамин ҳол торнамои «Истиқлол» аз номи президенти клуб менависад, дастаи мо ба финали Ҷоми раиси АФК баромада натавонист ва ин, албатта, нохуш аст. Дар бозии аввал бо қаҳрамони Тайван шароити номусоиди обу ҳаво ба бозии бачаҳои мо таъсири манфӣ расонд. Дар бозӣ бо футболбозони туркман дастаи мо бартарии комил дошт, вале лаҳзаҳои голзаниро истифода карда натавонистанд ва дар баъзе мавридҳо корамон омад намекард.{jathumbnail off}

Мӯҳр