Шабдолов: "Мошенник"-ҳоро муҷозот, вале маъюбонро сарсон накунед (ВИДЕО)
Шодӣ Шабдолов, раиси Ҳизби коммунистии Тоҷикистон дар парлумон хостори таҳқиқ ва ҷаримабандии нафақагирони ғайриқонунӣ шуд.
Ӯ гуфт, маъюбони “қалбакӣ” бояд аз саффи нафақагирон берун бурда шавад: “Мо медонем, ки одамони корчалону “мошенник” худашонро дар қатори маъюбон шомил кардаанд, ёбанду аз саффи нафақахурон берун кашанд ва ҳатто ҷарима баста шаванд.”
Ин нуктаҳоро Шодӣ Шабдолов зимни қабули лоҳиаи қонуни ҷумҳури Тоҷикистон дар бораи ворид намудани тағйиру иловаҳо ба Қонун “дар бораи таъмини нафақаи шаҳрвандон” иброз дошт. Ӯ инчунин эътирози худро аз бандҳои алоҳидаи лоиҳа баён дошт. Аз ҷумла Шабдолов таъкид кард, ки агар моддаи 32-и қонунро бардорем, он метавонад боиси саргардонии нафақагирони маъюби аслӣ шавад:“Моддаи 32-уми ин қонун муқаррар кардааст, ки ба мардони аз 63-сола боло ва занони аз 58-сола боло нафақаи маъюбӣ бояд барои якумра таъин шавад ва бозбинии он бояд бо дархости шахси маъюб сурат гирад. Ҳамаи мо медонем, ки аз 60 гузаштаӣ дигар саломатӣ хуб намешавад. Аммо мо метавонем, боз ҳамаи онҳоро саргардон кунем.”
Баҳи нафақахурҳои ғайриқонунӣ дар парлумон дар ҳолест, ки Абдуфаттоҳи Ғоиб, раиси Оҷонсии зидди фасоди Тоҷикистон гуфт, афроди алоҳида дар кишвар тариқи сохтакорӣ нафақаҳои маъюбии калонҳаҷмро мегиранд. Ӯ Наталя Назаршоева, роҳбари "Бонки рушди Тоҷикистон"-ро ном бурд, ки моҳе 17 ҳазор ва дар чор сол 718 ҳазор сомонӣ нафақа гирифтааст: “Ин ҷо боз Амонуллоҳ Ҳукуматулло ва боз як нафар корманди худи корхонаи роҳи оҳан, ки моҳе 1815 сомонӣ нафақаи маъюбӣ мегирифтааст.” Абдуфаттоҳи Ғоиб таъкид кард, нафақае, ки ин афрод мегирифтаанд, корӣ набуда, нафақаҳои маъюбиянд, ки бо роҳи сохтакорӣ ба даст овардаанд.
Ба иттилои Оҷонсии зидди фасод, соли гузашта 37 ҳазору 548 нафақагири маъюб аз ташхис гузаштаанд, ки аз ин миён 7 ҳазору 46 нафарашон комилан солиманд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |