30 янв 2015 12:04Тоҷикистон / Сиёсат

АКС: Баҳси таъсироти манфӣ аз хориҷ дар ҷаласаи ҳукумат

Эмомалӣ Раҳмон, раисиҷумҳури Тоҷикистон, имрӯз, 30-юми январ бо баргузории ҷаласаи ҳукумат масоили рушди иқтисодию иҷтимоии кишварро ба миён гузоштааст.

Тибқи иттилои дафтари матбуоти раисиҷумҳури Тоҷикистон дар оғози маҷлис Нақшаи чорабиниҳо оид ба иҷрои вазифаҳое, ки дар Паёми Президент ба парлумон зикр гардидаанд, тасдиқ карда шуд: “Нақшаи мазкур аз 74 банд иборат буда, дар он, аз ҷумла, доир ба таҳияи нақшаҳои чорабиниҳои идоравӣ барои омӯзиш ва иҷрои нишондодҳои Паём, Соли оила эълон намудани соли 2015, таъсиси институти Ваколатдор оид ба ҳуқуқи кӯдак ва чорабиниҳои зиёд барои коҳиш додани таъсири манфии омилҳои беруна ба иқтисоди Тоҷикистон, аз ҷумла тавассути афзун намудани истеҳсолоти ватанӣ ва иқтидори содиротии кишвар ва муҳайёсозии беш аз 200 000 ҷойҳои нави корӣ дар соли равон пешбинӣ шудаанд.”

Ба итилои манбаъ дар пайи ин ҳайати Кумитаи тадорукот оид ба таҷлили 25-солагии истиқлолияти давлатии Ҷумҳурии Тоҷикистон ва нақшаи чорабиниҳо оид ба истиқболи ин санаи фархундаи таърихӣ, ки қариб аз 200 банд иборат аст, тасдиқ карда шуд. Раисиҷумҳур таъкид кардааст, ки 25-солагии истиқлоли давлатии Тоҷикистон бо дастовардҳои бузурги иқтисодию иҷтимоӣ, илмию техникӣ ва фарҳангӣ бояд истиқбол гирифта шавад.

Эмомалӣ Раҳмон роҳбарияти мақомоти марказӣ ва маҳаллии ҳокимияти давлатиро вазифадор кардааст, ки корҳои созандагию бунёдкорӣ, ободонии муҳити зист, бунёди корхонаю муассисаҳои истеҳсолӣ ва афзун намудани ҷойҳои кориро вусъат бахшида, рушди босуботу бонизоми иҷтимоию иқтисодии кишварро таъмин намоянд.

Дафтари матбуоти раисиҷумуҳр илова кардааст, ки инчунин як зумра чорабиниҳои муҳими дигар доир ба тарғибу ташвиқи арзишҳои воло ва муқаддасоти таърихию фарҳангӣ, тарбияи ҳисси хештаншиносӣ ва ифтихору сарфарозӣ аз давлатдории миллӣ ва баланд бардоштани масъулияти ватандории насли ҷавони кишвар дар назар аст.

Мӯҳр

Хабарҳои монанд:

лоик

хамоно ки чехрахои пешина

Ҷавоб диҳед Иқтибос Шикоят

Истиклол

Чавоб ба лоик, чехраи худатонро мехостед бинед. Барои ин хизмат кардан даркор, мехнат кардан даркор

Ҷавоб диҳед Иқтибос Шикоят

бекор

200 000 чои корри ташкил накунед кувваи баркро дихед чои корри мо таер аст

Ҷавоб диҳед Иқтибос Шикоят

фарзона

ин халки мо кай ШУКРОНА гуфтанро ёд мегирифта бошад.

Ҷавоб диҳед Иқтибос Шикоят

искандар

Иқтисоддонҳои босаводи маслакии сатҳи ҷаҳониро аз зиндон озод кунед, вазъи иқтисоди иҷтимоии халқи тоҷик дар муддати кутоҳ тараққи мекунад.

Ҷавоб диҳед Иқтибос Шикоят

афсус

чавоб ба Лоик, барои чехрахои нав бояд тагохо дигар бошанд. ман низ мехостам он чо бошам гарчанде захмати халол мекунам, ва мехохам кишварамро ободу тинч ва одамонашро серу пур ва хеч гох камбагал ва талбанда надошта бошад,вале мутаассифона ман як одами бе таго ва чугрофия не тот. ва захмати маро онхо ба назар намегиранд, чунки хешу таборхояшон аз хад зиед ва навбати ман аник намеояд.

Ҷавоб диҳед Иқтибос Шикоят

Эзоҳ илова кунед