30 янв 2015 14:48Тоҷикистон / Сиёсат / Рӯ ба рӯ / Тема дня

Халифазода: Иброҳимов дар боздоштгоҳи Душанбе аст (ВИДЕО)

Прокуратураи генералии Тоҷикистон мегӯяд, Мақсуд Иброҳимов феълан дар шаҳри Душанбе дар боздоштгоҳ қарор дорад.

Муҳаммадризо Халифазода, масъули Додистонии кул, имрӯз, 30-юми январ зимни нишасти хабарӣ дар Душанбе гуфт, алайҳи Иброҳимов ба иттиҳоми экстремистӣ парвандаи ҷиноӣ оғоз шуда, тафтишоти он аз ҷониби Вазорати умури дохилии Тоҷикистон идома дорад.

ВИДЕОИ суҳбати Халифазода дар бораи Мақсуд Иброҳимов

Қаблан хабар дода шуд, ки Мақсуд Иброҳимов, раҳбари ҳаркати “Ҷавонон барои эҳёи Тоҷикистон” дар Маскав аз ҷониби афроди номаълум рабуда шудааст. Расонаҳои Русия 21-уми январ аз қавли вакили мудофеъ -- Николай Николайев навиштанд, 5 нафар, ки миёнашон шахсе бо либоси низомӣ низ будааст, бо баҳонаи тафтиши Хадамоти федералии муҳоҷират ё худ ФМС ба манзиле, ки Иброҳимов баъди мураххасӣ аз беморхона он ҷо иқомат доштааст, ворид шудаанд: “Онҳо сарфи назар аз эътирози наздикон Иброҳимовро савори мошин карда, бо худ бурдаанд.”

Николайев гуфта буд, дар пайи ин қазия афроди номаълум тариқи телефон ба наздикони Иброҳимов хабар додаанд, ки ӯро ба Тоҷикистон истирдод хоҳанд кард ва рӯзи дигар метавонанд дар Тоҷикистон ба ӯ либосу дигар лавозимотро бурда диҳанд. Мақомоти пулиси Маскав аз ин қазия изҳори бехабарӣ карда, гуфтанд, дар мавриди ҷои будубоши Иброҳимов иттилоъ надоранд.

Мақсуд Иброҳимов шоми 26 ба 27 ноябри соли гузашта дар кӯчаи Севанскаяи шаҳри Маскав мавриди ҳамла қарор гирифта буд. Ӯ, ки дар ҳамоишҳои эътирозӣ дар Русия истеъфои ҳукумати феълии Тоҷикистонро талаб мекард, аз ҷониби мақомоти Тоҷикистон бо иттиҳоми “ифротгароӣ” таҳти ҷустуҷӯи байналмилалӣ қарор дода шуд.

Мақсуд Иброҳимов инчунин узви раёсати эътилофи нируҳои мухолифин - “Тоҷикистони нав” арзёбӣ мешавад, ки аз ҷониби Созмони ҷавонон “Барои эҳёи Тоҷикистон”, созмони мамнуи “Гурӯҳи 24”-и Умаралӣ Қувватов ва чанд созмони дигари мухолифини ҳукумати Тоҷикистон ташкил шудааст.

Мӯҳр

Хабарҳои монанд:

ikrom

Хаминхо ахмаканд медонанд, ки хукумати точикистон муздури рус аст боз дар русия фаолияти сиёсиро огоз мекунанд!

Ҷавоб диҳед Иқтибос Шикоят

Чи чои бахс Мухолиф окибаташ Зиндон аст
Дар хама Давлат ин Гуна мухолиф хаст ва дар
Чусту чу хастанд. Мухолифи ватан кам бошад.
Ба фоидаи мо аст.

Ҷавоб диҳед Иқтибос Шикоят

Khoshi

Холо хам дер нашудааст. Аз Русия бароед равед, ки ин давлат шахсро шахс хисоб наменамояд ва ба манфиати Русия ин хаст,. Инро фаромуш накунед дустон. Русия холо дар назди чомеъаи байналмиллали барои ингуна амал нисбати бисёрихо, аз чумла нисбати Искандаров ва ин бародари Иброхимов чавоб хохад гуфт.

Ҷавоб диҳед Иқтибос Шикоят

Fариб бача

Kapash dud kadagiyay. Bechorara oli murdanak zadestan.
ЧароFи зулми золим то дами махшар намесузад,
Агар сузад шабе сузад шаби дигар намесузад.

Ҷавоб диҳед Иқтибос Шикоят

Эзоҳ илова кунед