30 янв 2015 16:31Тоҷикистон / Дидгоҳи хос

Додситони навтаъин: Мардуми тоҷик метавонад, осуда хоб кунад

Юсуф Раҳмонов, ки ҳафтае пеш ба ҷои Шерхон Салимзода, додситони генералии Тоҷикистон таъин гардид, имрӯз, 30-юми январ дар суҳбат бо хабарнигорон гуфт, мардуми кишвар метавонанд, осуда хоб кунанд, чун мақомоти тоҷик тавони истодагарӣ бар зидди таҳдидҳо ба оромии кишварро доранд.

Раҳмонов, ки дар гузашта ба ҳайси Сарпрокурори низомӣ низ кор кардааст дар шарҳи сарусадо оиди ҷангиёни исломӣ, ки гӯиё дар наздикии марз бо Тоҷикистон ҷамъ шудаанду "баҳори гарм" ташкил карданиянд, қатъиян таъкид намуд, ки артиши тоҷик ҳар ҳуҷуму таҷовузгарро, аз кадом тарафе набошад, бозпас хоҳад гардонд: “Мардуми Тоҷикистон метавонанд, осуда хоб кунад.”

Дар мавриди таҷаммӯи ҷангиён дар Афғонистон додситони генералии нави Тоҷикистон илова кард, ки дар ин кишвар солиёни зиёд ҷанг аст ва агар таҷаммӯе ҳам бошад, омада боз мераванд: “Мардум осуда бошанд, ягон замина барои ташвиш вуҷуд надорад.”

ВИДЕОИ суҳбати Раҳмонов дар бораи хатарҳо

Ин дар ҳолест, ки Рамазон Раҳимзода, вазири умури дохилии Тоҷикистон чанде қабл дар посух ба суоли “Озодагон” иттилоъ дар бораи таҷаммӯи ҷангҷӯён дар наздикиҳои сарҳад ва таҳдиди “баҳори гарм” ба кишварро тасдиқ кард: “Воқеан чунин маълумот вуҷуд дорад. Дар пайи амалиёт алайҳи ҷангҷӯён дар қаламрави Покистон онҳо ба наздикиҳои сарҳад ҳаракат доранд.”

Ӯ гуфт, дар ҳайати ин ҷангҷӯён аъзои созмонҳои гунонуни террористӣ, аз қабили Толибону Ҳаракати исломии Узбакистон қарор доранд: “Мо ҳар гуна иттилоъро дарёфт карда истодаем ва бо мурури дарёфти иттилоъ чораандешӣ мекунем. Баъди дарёфти иттилоъ доир ба хатарҳо аз Афғонистон хидмати низомиёни тоҷик ба низоми пурзӯр гузаронда шудааст. Чораандешӣ карда истодаем, баъзе гуруҳҳоро аллакай боздошт кардаем.”

Аз ин пештар Замир Кобулов, фиристодаи вижаи Владимир Путин, раисиҷумҳури Русия дар умури Афғонистон аз таҷаммӯи беш аз 4 ҳазор ҷангҷӯй дар сарҳади Тоҷикистон хабар дода, аз таҳдиди “баҳори гарм” дар Осиёи Марказӣ суҳбат карда буд: “Тибқи иттилое, ки ба мо расида истодааст, ҷангҷӯёни Афғонистон иддао доранд, баҳори оянда худро нишон хоҳанд дод. То баҳор интизор мешавем, вақт нишон хоҳад дод. Ба ҳар сурат мақомоти Тоҷикистон, Узбакистон ва Қирғизистон ин иттилоъро доранд ва бояд чораҳои дахлдор андешанд.”

Аммо Мир Наим Ҳайдарӣ, фармондеҳи хадамоти марзбонии шимоли Афғонистон таҷаммӯи ҷангҷӯёни исломиро дар назди сарҳад бо Тоҷикистон рад кардааст. Ҳайдарӣ дар шарҳи изҳороти мансабдорони воломақоми Тоҷикистону Русия оид ба таҷаммӯи ҷангҷӯён дар назди сарҳад бо Осиёи Миёна ба расонаҳои Афғонистон гуфтааст, ин изҳорот асос надоранд. Ӯ таъкид намудааст, ниҳоди зертобеяш ният дорад, бо мақомоти Осиёи Марказӣ табодули иттилои фавриро ба роҳ монад. Вай афзудааст, ба наздикӣ ба Тоҷикистон сафар дошта, бо ҳамтоёнаш масъалаи табодули иттилоъ ва баргардондани марзбонони рабудашудаи тоҷикро баррасӣ намудааст.

Мӯҳр

Хабарҳои монанд:

Фаро

Рахмон Юсуф авалин суханашро барои орому осудагии халк гап зад Иншоаллох хамааш хуб мешавад.Барори кор бехтарин фарзанди баномуси Точикистони азиз.

Ҷавоб диҳед Иқтибос Шикоят

ШУКРОНА

ШУМО БАХУЗУР БОШЕД РАИС, МО АЗ СОЛИ 1992 ИНЧОНИБ ХОБЕМ. АЗ ХЕСТАН МЕТАРСЕМ, ХОБЕМУ ХОБ

Ҷавоб диҳед Иқтибос Шикоят

Барзу

Монед, ин гапхои хавоитона, чаноби прокурор! Агар базаи харбии россия набошад, ун чангиён барвакт дар таги бинитон мегаштан.... Зуртон расад, аккалан хамон сархадчиёни точика, ки "хезумчини" рафта, асир афтодаанд, халос кунед. Айд аст, охир. Россия 100 сол дар сархади мо бо Афгонистон истода, ягон маротиба ба чунин казия наафтода буд.))

Ҷавоб диҳед Иқтибос Шикоят

Фаро

Дар ин 23сол шукр намекунед Аллохи мехрубон инкадар тенчиву оромира овардаст ин як неъмати Парвардигор аст шукр кунед, ношукри накунед. Рохбарони давлат ин кадар мехнат карда истодаанд барои мову шумо ки орому осуда бошем,ИншоАллох хамааш нагз мешавад бародаро дуо кунед дар хаки Рохбарони давлат.Парвардигор хамавакт Рохбарони давлати моро дар панохи исматат нигох дори ба халку ватани худ хизмат кунанд омин.Баъзе давлатхоро бинед ба монанди баъзе шумо ношукри карданд Ирок Сурия Ливия ахволашонро бинед чигуна аст.
Шукри неъмат неъматат афзун кунад,
Гар накуни аз кафат берун шавад.
Шукри Аллох ки чунин Рохбарои бехтаринро дорем барори кор ба шумо Рахбарони давлати мо.

Ҷавоб диҳед Иқтибос Шикоят

Ватаншо

Барзу. ШУКРОНА марди худатро маълум накарди! азхобу бедории туву аскарони урус чи фоида всёровно ту баринхо ору номус надоранд гапфурушу мансабталабанд

Ҷавоб диҳед Иқтибос Шикоят

Адолат

акаи Раҳмонов солҳост, ки аз бекориву беадолатӣ ва надоштани ҷои кори муносиб (се диплом) дорам, (география ғайри данғара) аз осуда хоб кардана безор шудем ба хазор касали гирифтор шуда маънии зиндагиро гум кардем аз худо мехоҳем, ки ҳар чӣ тезтар ҷони моро бигирад, дигар тоқати беадолатӣ ва худхоҳии мансабдорони бесаводи қаллоби ғайритоҷикро надорем.

Ҷавоб диҳед Иқтибос Шикоят

Мурат

Америка ва Европаю Русияву Азия зурашон нарасидестай айба намедони мегуй беташвиш хоб кнен.Як узбакистонак кати зуртон намераса бо вохима кадестен

Ҷавоб диҳед Иқтибос Шикоят

Эзоҳ илова кунед