Русский  >>  فارسی  >>  Ҷумъа 9 декабр 2016, 18:27

Муҳиддин Кабирӣ барои чор соли дигар раиси ҲНИТ хоҳад буд

24 сентябр 2011, 04:49

Дар овоздиҳии кушод зимни баргузории Анҷумани 9-уми ҲНИТ номзадии Муҳиддин Кабирӣ якдилона дастгирӣ ёфт.


Кабирӣ акнун барои чор соли дигар раҳбари ҲНИТ хоҳад буд. Ёдовар мешавем, Анҷумани ҲНИТ баъди зуҳри рӯзи гузашта ба кори худ оғоз намуд.

Баъди дигарбора ба симмати раҳбари ҲНИТ интихоб шуданаш Кабирӣ суханронӣ намуда аз ҳамаи ҳозирин изҳори сипос намуд. Номбурда баргузида шудани номзадияшро на интихобот, балки таъиншуда унвон кард. Кабирӣ гуфт, барои хидмат ба ин миллат, ки воқеан сазовори хидматанд ба тамом талош хоҳад кард. Раиси тозаинтихоби ҲНИТ ҳамчунин ба сохтмони НБО Роғун ишора кард ва афзуд, аз ҳисоби маблағҳои дохили буҷавии ҳизб ба миқдори бештар аз 100 ҳазор сомонӣ саҳмия харидаанд. Ба қавли Кабирӣ ин бештар аз маблағҳоест, ки ташкилоту ҳизбҳои дигари сиёсӣ саҳмия харидаанд. Дар идомаи суханронӣ раҳбари ҲНИТ гуфт, ки ҳар куҷо ҳастанд, ҳамеша бо мардуми Фаластин, Ироқ ва Афғонистон ҳамдарданд. Зимнан, Муҳиддин Кабирӣ аз Бурҳониддин Раббонӣ ба сифати падари муҳоҷирони тоҷик ёд оварда гуфт, ҷои ӯ дар Анҷумани ҳизб холист. Ба гуфтаи вай тибқи як тавофуқ, ки дар Эрон ҳосил шуда буд, Раббонӣ мебоист аз Теҳрон ба Дубай сафар мекард ва аз онҷо ба Душанбе омада иштирокчии фахрии Анҷуман мешуд. Аммо таври маълум устод аз Теҳрон ба Кобул баргашт ва ба шаҳодат расид. Кабирӣ гуфт бояд ин масъала, ки устодро чӣ маҷбур кард сафарашро ба Дубай лағв карда Кобул биёяд мавриди баррасӣ қарор бигирад.

Ислоҳ, тағир ва пешрафт шиори ҳизб боқӣ мемонад, илова намуд Кабирӣ. Ӯ ҳамчунин аз ҲНИТ ба унвони ҳизби оппозитсионӣ ном бурд ва афзуд, ки зимни барномаҳое, ки аз аҳдофи миллӣ пуштибонӣ мекунад паҳлӯи ҳукумат хоҳад буд, аммо дар ин баробар аз гуфтани мушкилиҳо худдорӣ нахоҳад кард.

Гуфтанист, ин 9-умин Анҷумани ҲНИТ аст ва дар кори он меҳмонон аз хориҷи кишвар аз қабили Эрон, Малайзия, Афғонистон ва Русия низ ширкат доштанд. Анҷумани ҳизби наҳзати исломии Тоҷикистон идома дорад.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!