Абдураҳмон Қодирӣ гуфт, "сатҳи маънавиёти мардум паст шудааст"
Абдураҳмон Қодирӣ, раиси вилояти Суғд, дар як ҷаласа бо ҳузури фарҳангиён аз сатҳи маънавиёти пасти сокинон шикоят кардааст. Ӯ гуфта, ки ба далели назорат нашудани фаъолияти ҳунармандон ва пахши ҳаргуна савту наво дар радио ва телевизион “фарҳанги бегона ба ҷомеа роҳ ёфта, реша медавонад”.
“Аслан, барои ба танзим даровардани ин раванд дар назди Раёсати фарҳанги вилоят Шӯрои бадеӣ фаъолият мебарад, вале вақтҳои охир сатҳи кори ин Шӯро хело паст гардида, ба пурзӯр намудани самти фаъолият ниёз дорад”,-таъкид кардааст ӯ. Дар ҷараёни сӯҳбати ҚОдири бо фарҳангиён Шӯрои бадеӣ бо ҳайати нав тасдиқ гардидааст, ки раҳбарии онро Раъно Бобоҷонова бар дӯш гирифтааст. Ин Шӯро дар ҳоли ҳозир аз 10 нафар санъаткор, бастакор, драмматург, назмшинос ва дигарон иборат мебошад.
Абдураҳмон Қодирӣ таъкид доштааст, баланд бардоштани сатҳи маънавиёти фарҳангии мардум аз Шӯрои бадеӣ бастагӣ дорад. “Дар ин раванд бояд санъати азалии тоҷикӣ барқарор ва ба мардум пешниҳод карда шавад”,-гуфтааст ӯ.
Мӯҳр