Ҳукумат дарҳояшро ба рӯи журналистон мебандад
Ҷаласаи ҳукумати Қазоқистон бидуни ширкати журналистон баргузор мешавад, хабар медиҳад КазТАГ.
Гулшара Абдухолиқова, муовини нахуствазири Қазоқистон гуфтааст, хабарнигорон маълумоти лозим дар мавриди тасмимҳои гирифташударо метавонанд дар брифингҳо аз Хадамоти коммуникатсияи марказии назди президент дарёфт намоянд. “Ҳоло ҳукумат дар як низоми фаврӣ кор карда истодааст. Маълумотҳоро журналистон метавонанд аз Хадамоти коммуникатсияи марказӣ бигиранд”,-афзудааст Абдухолиқова.
Бо ин вуҷуд, ба гуфтаи ӯ, ин низом маънии онро надорад, ки журналистон дигар ба ҳукумат даъват намешаванд: “Ҳатман шуморо даъват менамоем. Фақат ҳоло дар пешорӯи мо вазифаҳои хеле муҳим гузошта шудааст, ки бояд дар муҳлати кӯтоҳ ҳал карда шавад”.
Муовини нахуствазири Қазоқистон илова кардааст, ки дар сурати мумкин шудани ширкати журналистон дар ҷаласаҳои ҳукумат, онҳоро хабар хоҳад кард.
Мӯҳр