Видеои фирори додситони кул ва вазири дороӣ аз Ватан (ВИДЕО)
Муҳофизони Виктор Пшонк, додситони пешини Украина ва Александр Клименко, раҳбари собиқи вазорати дороиҳои ин кишвар ҳангоми талоши тарк намудани марзи Украина дар фурудгоҳи Донетск, бо нерӯҳои марзбонӣ “даст ба гиребон” шудаанд.
Дар навори видеоие, ки дар интернет нашр шуд, дида мешавад, чӣ гуна Пшонк ва Клименко мехоҳанд, бо ҳар роҳе набошад, аз нуқтаҳои назоратӣ ҷониби ҳавопаймо бираванд. Марзбонҳо талоши нигоҳ доштани онҳоро мекунанд ва ҳатто як нафар ба ҳаво тир холӣ мекунад, аммо ин ҳам мансабдорони собиқро аз роҳ намегардонад.
Сергей Астахов, намояндаи Хадамоти нерӯҳои марзбонии Украина гуфтааст, дар толори ҳайати расмӣ муҳофизони ин мансабдорон бо зӯр сарҳадбононро якҷониба кардаанд, то барои онҳо роҳ кушоянд. Бино ба иттилои расонаҳои Украина, Виктор Пшонкро барои ҳамла ба марзбонон то шаш соли маҳрумият аз озодӣ таҳдид мекунад.
Александр Клименко бошад, дар саҳифаи Фейсбуки худ аз журналистон барои пахш кардани ин навор изҳори сипос кардааст. Ба қавли ӯ, дар ин видео дида мешавад, ӯ аз афроди номаълум ки худро шинос накарданд, мегурезад.Мӯҳр