Русский  >>  فارسی  >>  Чоршанбе 7 декабр 2016, 17:32

Кудрин ба истеъфо рафт, Путин ҳанӯз хомӯш аст

27 сентябр 2011, 03:58

Дмитрий Медведев, президенти Русия ахиран истеъфои ноиби нахуствазири ин кишвар, ҳамзамон вазири молияи Русия Алексей Кудринро пазируфт.


Бино ба иттиллои дафтари матбуотии райисҷумҳури ФР сабаби аслии истеъфои ӯ ихтилофи назараш бо Медведев аст, ки пас аз ҷойиивазкунии Путину Медведев дар ҳукумати оянда кор кардан нахостааст. Ин нуктаро Кудрин зимни як суоли рӯзноманигор дар Вашингтони Амрико иброз доштааст. Зимнан, Дмитрий Медведев аз изҳороти вазир нороҳат шуда гуфтааст, ки ҳар нафаре, к ибо ҳукумат ва президенти Русия ихтилофи назар дораду кор кардан намехоҳад, метавонад бо ариза муроҷиат карда, курсиро холӣ кунад. Ман ҳамчун президенти Русия ҳақ дорам, то 7-уми майи соли 2013 пеши роҳи гапҳои бемасъулиятонаро бигирам.

Расонаҳои хабарии Русия менависанд, Алексей Кудрин дар шарҳи изҳороташ афзудааст, афзоиши харҷи низомӣ, ки президент дар пеш гирифтааст, ба вазъи молиявии кишвар хатар дорад. Кудрин, ки аз соли 2000-ум ба ин сӯ вазири молияи Русия аст, дар ин ришта як муҳофизакор дониста мешавад ва тавонистааст, даромади кишвар аз нафтро ба самте равона кунад, ки таъсири бӯҳрони ҷаҳонӣ ба Русия нармтар шавад.Вай ҳамчунин гуфтааст, ки сари чанд масъалаи муҳим бо Медведев ихтилофи назар дорад.  
Тибқи қавонини роиҷ дар Русия президенти ин кишвар наметавонад, бо қарори худ ноиби сарвазир ва ё вазири ҳукуматро ба истеъфо фиристад, чаро ки барои ин розигии нахуствазир зарур аст. Ҳамин тавр, изҳороти дугонаи «Путин-Медведев» дар анҷумани ахири ҳизби «Русияи Воҳид» (Единая Россия) бӯхрони ҷиддиро дар ҳукумати Маскав ба вуҷуд оварда, блоки иқтисодии ин кишвар як барномасози воқеиро аз даст дод. То ин соат вокуниши Владимир Путин дар ин маврид садо надодааст.   {jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!