(САДО) “Милоди ман” ва “Борони шишаҳо”-и Орзу Исоев дар оҳанги Ҳабиб Ҳакимов
Ҳабиб Ҳакимов, овозхони гуруҳи “Фарзин” ду таронаи нави худро нашр кардааст.
Ин таронаҳо “Милоди ман” ва “Борони шишаҳо” ном дошта, матни ҳардуи он ба таронанависи тоҷик – Орзу Исоев таалуқ дорад. Ҳабиб Ҳакимов ба “Озодагон” гуфт, оҳанги ин сурудҳоро худаш эҷод кардааст: "Оҳанги суруди “Милоди ман”-ро ҳанӯз замоне ки дар Русия зиндагӣ мекардам, навишта будам, аммо чанд рӯз қабл он дар студия сабт гардид”.
Таронаи "Борони шишаҳо"
Ҳабиб Ҳакимов мегӯяд, барои клип бардоштан ба таронаи “Борони шишаҳо” бо студияи “Hyseiniyon production” тавофуқ кардаанд ва рӯзҳои наздик ба наворгирии он оғоз мешавад.
Таронаи "Милоди ман"
Ҳабиб Ҳакимов соли 1972 дар Душанбе ба дунё омада, соли 1994 Донишгоҳи омӯзгории Тоҷикистонро хатм кардааст. Ӯ яке аз муассисони гуруҳи овозадори “Фарзин” мебошад, ки соли 1999 таъсис шуда, бо таронаҳои ғайриоддияш маъруфият касб кард. Аммо ин гуруҳ соли 2004 пароканда шуд ва Ҳабиб Ҳакимов тасмим гирифт, ба танҳоӣ овозхонӣ намояд. Маҳсули ин давраи фаъолияти вай албоми “Шикасти фиреб” буд.
Соли 2012 Фирӯз ва Ҳабиб Ҳакимовҳо эълон карданд, ки дигарбора зери бренди “Фарзин” баромад мекунанд. “Фарзин”-и баъди “эҳё” соҳиби беш аз 10 суруд аст, ки “Опс-опс”, “Анор-анор”, “Камкамак”, “Master and Servant”, “Сенерита”, “Ки сага сар дод”, “Қаҳр макун”, “13 &3”, “Ҷигак-ҷигак” ва “Мисли қанд” аз ҷумлаи онҳоянд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |