25 фев 2015 14:23Тоҷикистон / Иқтисодӣ

Бонки Миллӣ ҳаҷми рублу доллари муҳоҷиронро эълон кард

Бонки Миллии Тоҷикистон дар пасманзари норӯшаниҳои бозори нақд эълон доштааст, ки дар соли 2014 ба ҷумҳурӣ 3,9 миллиард доллари амрикоӣ ворид шудааст, ки ин нисбат ба ҳамин давраи соли 2013 8,3 фоиз кам аст.

Ин ниҳод мегӯяд, аз ҳаҷми умумии маблағе аз Русия ба Тоҷикистон ворид мешавад, қариб 90 фоизашро рубл ташкил медиҳад: “Аз ҳаҷми умуми маблағҳое, ки аз Федератсияи Русия ба ҷумҳурии мо ворид шудаанд, 89,1 фоизро рубли русӣ, 10,8 фоизро доллари ИМА ва 0,1 фоизро Евро ташкил медиҳад”.

Бонки Миллии Тоҷикистон таъкид мекунад, ки коҳиши бесобиқаи нархи нафт дар бозори ҷаҳонӣ ва таҳримҳои сиёсию иқтисодии давлатҳои Ғарб нисбати Русия ва таъсири онҳо ба паст шудани суръати рушди иқтисодиёт, кам гардидани ҷойҳои корӣ дар ин кишвар ва беқурбшавии ниҳоят зиёди қурби рубли русӣ нисбати доллари ИМА оварда расониданд: “ Русия яке аз шарикони асосии тиҷоратии Тоҷикистон ба ҳисоб рафта, қисмати зиёди муҳоҷирони тоҷик дар ин кишвар кор мекунанд ва онҳо тавассути бонкҳо, бе кушодани суратҳисоби бонкӣ бо рубли русӣ маблағи зиёд интиқол медиҳанд”.

Ин дар ҳолест, ки имрӯз, 25-уми феврал қурби доллари амрикоӣ дар Душанбе то ба 6,0 ва 1000 рубли русӣ ба 95 сомонӣ расидааст.

Мӯҳр

Хабарҳои монанд:

Салох

Акнун ба кадри Россия нав мерасем..

Ҷавоб диҳед Иқтибос Шикоят

Мухаммад

Салохи гироми то ба кадри руссия расидан барои мухочирон роххои алтернативиро бояд пайдо кард.

Ҷавоб диҳед Иқтибос Шикоят

хакикатчуи

Дар бораи тархимхои иктисоди нисбати Руссия бояд дар мархилахои аввалаш оиди зарар ба иктисодиёти чумхури фикр кардан зарур буд. Як сол пеш Бонки милли аз он хафаги намуда буд, ки маблагхои воридоти кисмати зиёдаш аз хисоби содироти махсулоти мевахои хушк, сабзавотхо ва мевахои барвактии сохибкорон мебошад. Дар холо хозир бошад сабаби бекурбшавии пули миллиро ба кам воридшавии маблаги мардикорон вобастаги додааст. Барои хамин, то истехсоли махсулоти талаботи хозираи чахони аз руи сифат ба рох монда нашавад, бо фуруши коки себу, пиёзи барвакти ва пахтаи дар асл набуда, хеч иктисодиётро боло бурдан номумкин аст.

Ҷавоб диҳед Иқтибос Шикоят

Tojikpisar

Факат истехсоли махсулоти дохили метавонед моро аз ин бухонем, ки дар пеш АСТ рахо созад, ман хамчун як иктисодчи рохи дигари рахоиро намебинам. Болоравии нарххо таварруми шадид дар пеш АСТ!

Ҷавоб диҳед Иқтибос Шикоят

Эзоҳ илова кунед