(САДО) Мирзохӯҷа Аҳмадов: Дар ҳаққи Ҷаноби Олӣ дуо кунед, ки абарқудратҳо ҷанг андохтаниянд...
Руҳониёни Рашт бо раҳбарии сархатиби худ ҷонибдории хешро аз Ҳизби ҳокими халқӣ-демократии Тоҷикистон (ҲХДТ) эълон карда, таъкид намуданд, ки рӯзи 1 марти соли равон дар интихоботи парлумонӣ ба ҷонибдорӣ аз ин ҳизб овоз хоҳанд дод. Ин гуруҳи руҳониёни минтақаи Рашт, ки дар даст аксҳои Эмомалӣ Раҳмон, раисҷумҳури Тоҷикистон доштанд, афзуданд, ки ба нерӯ ва тавоноии ин ҳизб барои наҷот додани онҳо аз ҳар гуна хатару чанги камбағалӣ бовар доранд.
Мирзохӯҷа Аҳмадов зимни ин гузориш баромад карда, изҳор дошт, ки тавре Ҷаноби Олӣ дар паёмашон ба парлумон, гуфтанд, “вақте ҷойнамозро гузоштед, дар ҳаққи тинҷию оромӣ дуо кунед. Ман ҳам даъват мекунам, ки мусалмонони кишвар дар ҳаққи оромӣ дуо кунан. Мо дида истодаем давлатҳои абарқудрате, ки дар гирду атрофи мо ҳастанд, мехоҳанд моро ҷангу ҷидол андозанд. Аммо чун зӯри мо ба вайҳо ба ҳеч тариқат намерасад, мо мусаламонони тоҷик беҳтарин силоҳ дорем. Мо дуо мекунем, ки Худо вайҳоро ба мақсадашон нарасонад, мамлакатро моро тинҷ нигаҳ дорад. Ман аз ҳамаи сархатибони Тоҷикистон, илтимосу хоҳиш мекунам, ки беҳтарин силоҳи мо назди Худованд дуо аст ва дар ҳаққи миллати тоҷик, тинҷии Ватан ва дар ҳаққи Ҷаноби Олӣ дуои нек кунед, ки Худованд моро аз ин балоҳо нигоҳ дорад”.
Мирзохӯҷа Аҳмадов
Яке аз онҳо, ки худро Сархатиби минтақаи Рашт муаррифӣ намуд, таъкид кард, ки 1 марти соли равон ҳамаи онҳо ба тарафдорӣ аз ҲХДТ овоз хоҳанд дод: “Вазифаи сархатибии ноҳияи Раштонзамин бар дхши ман аст ва дар ин минтақа 6 масҷиди ҷомеъ ва 143 масҷиди панҷвақта фаъолият дораду дар ҳамаи онҳо вохуриҳо анҷом додаем. Бо итминони қалб гуфта метавонем, тамоми намозгузорони онҳо ваъда додаанд, ки ҷонибдори сарвари давлат – Эмомалӣ Раҳмону сиёсатҳои пешгирифтаи ӯ мебошанд ва ба ҳизби таҳти раҳбарияш овоз медиҳем ва бовар дорем, ки ин ҳизб қудрату тавоноӣ дорад, ҳамаи моро аз вартаи камбағалӣ ва таҳдидҳои дигар наҷот диҳад. Аз ин рӯ, мо бояд овози худро ба тарафдории Ҳизби халқӣ-демократии Тоҷикистон диҳем.”
Сархатиби минтақаи Рашт дар идома низ хост, калимаи Ислом аз номи Ҳизби наҳзати исломии Тоҷикистон, ягона ҳизби умдаи мухолифи кишвар гирифта шавад. Ӯ гуфт, “Исломи мо ба ҳизб ниёз надорад ва мо мардуми Раштонзамин таклиф дорем, ки калимаи “Ислом” аз номи ҲНИТ берун карда шавад ва ин ҳизб, Ҳизби наҳзати Тоҷикистон номгузорӣ шавад”.
Сархатиби минтақаи Рашт
Садоҳо аз гузориши Шабакаи аввал сабт шудааст Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
