Нерӯгоҳи хурди «Марзич» - калонтарин дар байни 256 нерӯгоҳ

Нерўгоҳи хурди обии «Марзич», ки ахиран дар ноҳияи Айнии вилояти Суғд ба истифода дода шуд, 256 –умин буда, миёни нерўгоҳҳои хурди Тоҷикистон бо иқтидори 4,3 мегаватт калонтарин маҳсуб меёбад.

---

Дар ин бора ба хабаргузории «Озодагон» аз Вазорати энергетика ва саноати Тоҷикистон хабар доданд. Ба гуфтаи манбаъ, ин нерўгоҳ бо маблағгузории давлат ва қарзии Бонки исломии рушд сохта шуда, арзиши сохтмони он зиёда аз 4 миллион доллари амрикоиро ташкил медиҳад.

Сарчашмаи хабар таъкид кард, ки дар баробари «Марзич» давоми 20 соли истиқлолият дар Тоҷикистон боз 255 адад нерўгоҳи хурди дигар бо иқтидори умумии 18,5 мегаватт ба истифода дода шудаанд:

«Айни замон сохтмони 17 нерўгоҳи хурди дигар идома дошта, дар назар аст, то охири сол 10 – тои онҳо барои истифода ба ихтиёри мардум супорида шаванд. Ду сол пеш дар кишвар 53 нерўгоҳи хурд ва соли гузашта  34 адад нерўгоҳи хурд ба истифода дода шудаанд. Имсол дар назар дошта шудааст, ки теъдоди нерўгоҳҳои хурди сохташуда ба 30 адад баробар гардад».Дар маҷмўъ ба гуфтаи манбаъ, то соли 2020 –ум сохтмони 189 нерўгоҳи хурди дигар ба нақша гирифта шудааст.{jathumbnail off}

Мӯҳр