Русский  >>  فارسی  >>  Ҷумъа 9 декабр 2016, 03:06

Анҷумани пизишкони атфол дар Душанбе

28 сентябр 2011, 06:39

Фардо дар Душанбе анҷумани  педиатрҳои Аврупову Осиё ба кори худ шурӯъ мекунад.


Тибқи иттилои расида, ин чорабинӣ бо ибтикори Маркази ҷумҳуриявии илмӣ-клиникии педиатрия ва ҷарроҳӣ бо ҳамкории Вазорати тандурустии Тоҷикистон, Академияи улуми тиббии ҶТ, Иттиҳодияи миллии ҷомеаҳои педиатрӣ  ва ҷамъияти педиатрҳои кишварҳои Аврупову Осиё  баргузор шуда, «Проблемаҳои сиҳатӣ ва рушди кӯдакон дар замони муосир»-ро баррасӣ мекунад.   Ба ҷуз ин, ширкатдорони конгресс масоили марбут ба комёбӣ ва проблемаи педиатрия дар мамолики минтақаи Аврупову Осиё, натиҷаи фаъолият ва пешомад,  навовариҳои ташхис ва табобати кӯдакону наврасон, фармакотерапия дар  педиатрия, ки ба принсипҳои тибби собитшуда асос ёфтаанд, ҷанбаҳои иҷтимоии педиатрия ва махсусияти ғизои кӯдаконро матраҳ хоҳанд кард.

Манбаъ афзуд, барои иштирок дар конгресс 200 нафар мутахассисони варзида аз кишварҳои Аврупо ва Осиё аз ҷумла аз Федератсияи Русия, Украина, Белорус, Афғонистон, Туркия, Озарбойҷон, Қазоқистон, Ӯзбакистон, Қирғизистон, Туркманистон ва ғайра  даъват шудаанд ва ин ҷаласа рӯзҳои 29-ум ва 30-юми сентябри дома хоҳад кард.

Маврид ба ёдоварист, Конгресси Х –уми педиатрҳо  моҳи сентябри соли 2010 дар шаҳри Остонаи Қазоқистон баргузор гардида буд. Тибқи  иттилои созмондиҳандагон, конгресс аз ҳисоби ширкату ташкилотҳои байналхалқӣ, аз ҷумла Институти «Ҷамъияти Кушода» - Бунёди Мадад дар Тоҷикистон маблағгузорӣ карда мешавад.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!