12 мар 2015 10:36Тоҷикистон / Фарҳангу адаб / Видео

ВИДЕО: Суҳбати Мишел Обама бо забони тоҷикӣ дар иди “Наврӯз”-и Кохи Сафед

Мишел Обама, ҳамсари раисиҷумҳури Иёлоти муттаҳидаи Амрико 11-уми март, бо баргузории як маросим дар Кохи Сафед ҷашни ҷаҳонии “Наврӯз”-ро таҷлил намудааст. Ӯ дар хитоб ба мардуми форсу тоҷик ва дигар халқиятҳое, ки Наврӯзро ҷашн мегиранд, бо забони тоҷикӣ изҳор дошт, ки “Наврӯзатон муборак!”
Ӯ дар идома гуфтааст, “Кохи Сафед хонаи фарҳанг ва суннатҳои гуногун аст, ки кишвари моро сохтааст. Наврӯз аз ин суннатҳост”.

Бонуи аввали Амрико афзудааст, “беш аз се ҳазор сол аст, ки хонаводаҳо ва ҷомеаҳо дар Ховари Миёна, Осиё ва дигар нуқтаҳои ҷаҳон, аз ҷумла дар Амрико Наврӯзро, ки нишонаи оғози баҳор аст, ҷашн мегиранд. Кохи сафед суфраи ҳафтсини худро омода кардааст ва дар он аз ҷумла сабза ба нишонаи тавалуди дубора ва нав шудани табиат, себ ба нишонаи саломатӣ ва зебоӣ ва сумоқ ба нишонаи тулӯи хуршед гузошта шудааст”.

Дар “Наврӯз”-и Кохи Сафед инчунин гуруҳи рақсандагон “Роҳи абрешим” ҳунарнамоӣ кардаанд. “Наврӯз” ҷашни мардуми ориёист, ки аз ҷониби Созмони Милал дар моҳи феврали соли 2010 ҳамчун ҷашни байналмилалӣ эътироф гардид.

Мӯҳр

Хабарҳои монанд:

Деваштич

Навруз танхо Навруз ба танхои тамоми дунёро бухтзадаву хайратўада кардааст ки торихи 20 -25 хазорсола дорад замоне ки мо Наврузро чашн мегирифтему дар он руз бо Яздони поки худ гуфтугу мекардем ва ба мухточон кумак мекардему зиндангонии инсондустона доштем мардумони хуношоми арабу мугул ва хатто урупо по дар гили тамаддуни вахшиёнаи худ фуру монда буданд. Навруз зинда шудан Навруз шодиву нишот кардан ва навруз аз зебоихои дунё лаззат бурдан аст хеч тафакукури дигаре ин арзиши миллиро аз мо наметавонад бигирад хеч тафаккуре хатто тафаккури араби ки душмани аслии он аст!!!!

Ҷавоб диҳед Иқтибос Шикоят

Эзоҳ илова кунед