Тоҷикистон бо пуштибонӣ аз узвияти Фаластин дар СММ раъй хоҳад дод.
Дар ин бора як намояндаи баландмақоми дипломатии ҷумҳурӣ ба «Бӣ-бӣ-сӣ» иброз доштааст . Номбурда, ки аз гуфтани номаш худдорӣ кардааст, ҳамчунин афзудааст, Амрико ба таври ғайрирасмӣ аз мақомҳои тоҷик хоста буд, ки дар ин бора фикри худро таҷдиди назар кунанд, аммо мавзеъгирии давлати Тоҷикистон дар ин замина бетағйир мондааст.
Тибқи гузоришҳои расида, ИМА мухолифи ин амр аст ва эълом кардааст, ки аз ҳуқуқи худ барои вето истифода карда ва дар роҳи узвияти Фаластин дар СММ монеъ мешавад.Вале, тибқи муқаррароти СММ, ҷаласаи Ассамблеяи генералии ин ниҳод метавонад бо раъйи бештар, ба Фаластин дар СММ мақоми кишвари нозирро бидиҳад. Гуфта мешавад, барои эътирофи расмии ҳукумати Фаластин ҳудуди 128 раъйи кишварҳои аъзои СММ зарур аст. То ҳол 137 кишвари узви СММ эълом кардаанд, ки аз Фаластин пуштибонӣ мекунанд.
Ёдрас менамоем, машваратҳо дар Шӯрои Амнияти СММ дар бораи эътирофи истиқлоли давлати худгардони Фаластин пас аз он ки роҳбари ин кишвар Маҳмуди Аббос як чунин номаро ба Дабири Кулли СММ- Пан Ги Мун эъто кард, дар рӯзи 25-уми сентябр оғоз гардиданд. {jathumbnail off}
Мӯҳр