Русский  >>  فارسی  >>  Якшанбе 4 декабр 2016, 17:13

Ҳомид Карзай: Шояд музокирот бо ҷунбиши «Толибон» қатъ шавад

30 сентябр 2011, 04:26

Комиссиюни вижаи тафтишотӣ, ки парвандаи қатли собиқ райисҷумҳури Афғонистон, раиси Шӯрои Олии Сулҳи ин кишвар шаҳид Бурҳониддин Раббониро ба зимма дорад, натоиҷи пешакиро эълом кард.


Бино ба қавли муфаттишон, дар куштори марҳум покистониҳо ва хадамоти махсуси Исломобод даст доранд. Расонаҳои хабарӣ ба такя ба суханони комиссияи номбурда менависанд, алъон рӯшан шудааст, ки тарҳи аз байн бурдани устод Раббонӣ аз қабл омода гардида буд.

Ҳамзамон,  Ҳомид Карзай, раисиҷумҳури Афғонистон, шоми дирӯз дар як мусоҳибаи телевизионӣ дар ин бора хабар дод ва гуфт, ки рӯзҳои наздик гурӯҳи вижаи тафтишотиро ба Покистон мефиристад. Ӯ афзуд, ки агар Исломобод аз ҳамкорӣ дар ошкорсозии омилони куштори Раббонӣ сарпечӣ кунад, омода аст то ба СММ муроҷиат намояд. Ҳомид Карзай ҳамчунин гуфт, ки агар даст доштани “Толибон” дар куштори Бурҳонуддини Раббонӣ тайид шавад, музокирот бо ин ҷунбиш қатъ карда хоҳад шуд.

Ёдрас менамоем, Бурҳониддин Раббонӣ, раиси Шӯрои Олии Сулҳи Афғонистон, рӯзи сешанбеи 20-уми сентябр, аснои музокира барои сулҳ бо Толибон, аз сӯи як маргталаб дар хонааш кушта шуд. Мақомоти Афғонистон он вақт ба хабаргузориҳо гуфтанд, ки як маргталаб худро фиристодаи Толибон вонамуд карда ва бо маводи мунфаҷира, ки дар дастораш гузошта буд, Бурҳониддини Раббониро куштааст.Ин хабар тамоми Афғонистонро такон дод ва дар як лаҳзаи кӯтоҳ ҳазорон нафар ба хотири сӯгворӣ ва эътироз аз қатли Раббонӣ дар назди манзили ӯ ҷамъ омаданд.

Марҳум яке аз сиёсатмадорони машҳури Афғонистон маҳсуб гардида, дар солҳои ишғоли Афғонистон ба ҳаракати муқовимат раҳбарӣ карда, Ҷамъияти исломии ӯ нерӯҳои таҳти фармони Аҳмадшоҳи Масъудро зери чатри худ дошт. Вай дар сахттарин давра раҳбари Афғонистон буд ва талоши зиёде кард, то як кишвари ҷангзадаро ба сӯи салоҳ ва осоиш пеш барад.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!