Русский  >>  فارسی  >>  Якшанбе 11 декабр 2016, 03:15

А.Салимова: Вазъи саломатии Ёқуб Салимов дар боздоштгоҳ вазнину нигаронкунанда мебошад

30 сентябр 2011, 11:45

Ашӯрбӣ Салимова, модари вазири собиқи умури дохилаи Тоҷикистон, собиқ райиси гумруки кишвар ва сафири пешини Тоҷикистон дар Туркия Ёқубҷон Салимов аз шеваи боздошти фарзандаш дар маҳбас изҳори нигаронӣ мекунад.


Модари генерали собиқ зимни як нишасти матбуотӣ, ки баъд аз зӯҳри имрӯз дар меҳмонхонаи «Авесто» сурат пазируфт, гуфт: «Аз дина рӯз, ки бо бачам дар зиндон дидор доштам, дигар чизе аз гулӯям намегузарад. Ёқубҷон мариз аст, поҳош дард мекунанд, биноии чашмош кам шудааст, одамора хуб дида наметона, як бор духтуро пешаш нарафтаанд». Барои арз кардан, чанде қабл ба назди президент рафта будам, аммо ба ман иҷозаи вуруд надоданд, намедонам бачаи ман чӣ гуноҳ карда бошад, мегӯяд Салимоваи 86-сола.

Маврид ба ёдоварист, Ёқуб Салимов то ҳанӯз дар боздоштгоҳи муваққатии вазорати адлия нигаҳдорӣ мешавад. Ин ҳам дар ҳолест, ки аз рӯзи эъломи ҳукми додгоҳ, ки ӯро барои 15 сол равонаи зиндон кардааст, беш аз 8 сол сипарӣ шудааст. Дар ҳукмномаи Салимов бошад омадааст, ки саршавии адои ҷазо аз 21-уми феврали соли 2003 ба ҳисоб гирифта шуда, адо ҷазо дар колонияиҳои ислоҳии низомашон сахт таъин карда шавад. Наздикон ва пайвандони Ёқуб Салимов мегӯянд, чандин бор ба парлумони кишвар, додситонии кулл, додгоҳи олӣ ва вазорати адлия хостори интиқоли ӯ аз боздоштгоҳи муваққатӣ ё, ба истилоҳ СИЗО, ба муассисаи ислоҳӣ шудаанд.

Ба гуфти модараш, Ёқуб Салимов,ки дар боздоштгоҳи муваққатии вазорати адлия нигаҳдорӣ мешавад, аз фишори баланди хун, дарди қалб ва ҷароҳате, ки соли 1997 дар Хуҷанд, аснои ҳифзи ҷони раисҷумҳур аз сӯйиқасд бардоштааст, азият мекашад. Ашӯрбӣ Салимова мегӯяд, барои Ёқуб на мансаб ва на курсие лозим нест, танҳо мехоҳад шеваи боздошти ӯ бознигарӣ шавад ва ба дидори ҳамсару фарзандонаш, ки дар ғарибӣ ба сар мебаранд, бирасад.

Ёдрас менамоем, Додгоҳи Олии Тоҷикистон Ёқуб Салимовро 25 апрели соли 2005 бо ҷароими сангин аз қабили хиёнат ба ватан, нигаҳдорӣ ва тиҷорати силоҳ ва сӯистифода аз мансаб, ки паёмадҳои вазнин ба думбол доштааст, ба 15 соли зиндон маҳкум шуд. Бо ҳукми додгоҳ ҳамчунин генерали собиқи тоҷик аз тамоми рутбаҳои низомӣ ва ҷоизаҳои давлатӣ маҳрум гардид. Салимов аз фармондеҳони   Фронти Халқӣ дар солҳои ҷанги шаҳрвандӣ буда, дар соли 1992 дар амри ба сари қудрат овардани ҳукумати кунунӣ нақши умда дошт.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!